Vyoira Vya Anamarumiwa
1 A Teofilo, mukhani yowambeelele, ndoolemba vyongo vyetene vyevyo Yesu apangile liye koma teto funji-a, 2 mpakana dambo lelo alandiwe liye dowa udimu, angamari-ile peleka malangizo mosogoleliwa na zimu owela wa anamarumiwae anayo aasakulile liye. 3 Vanduli vogumana na mavuto, liye oowoneela wa anamarumiwayo vo-indi-eda chito maumboni anjinji osimikizeleya. Aluwa koomuona malambo etene 40 moi liye ooawandela vya Umwene wa Mulungu. 4 Vathawi ineyo asonkanile liye na ofunjedayo, oowava-a malangizo oyi: “Kamuvenyemo mu Yelusalemu, koma mudedi-ede vyevyo Babanga alonjezile liye, vyevyo ndauwandeleni miyo. 5 Chifukwa Yohani oobatiza athu na ma-inje, koma nyo munoza mubatiziwe na zimu owela vavira malambo oyeva.”
6 Eno kangasonkanile, koomufuka ira: “Mbwiyeni, kodi munoweli-eda Umwene wa Aisaraeli vathawiila?” 7 Liye oowasomeda ira: “Kamunafuneya iziwa thawi kapena dambo lelo Baba usakulile liye mu ulamulilwae. 8 Koma mwaza muwachela zimu owela, munoza mukaena kopolo. Moi munoza mukale mboni danga mu Yelusalemu, wu Yudeya wetene na wu Samariya, mpakana umagomi-edo* wailambo yavati.” 9 Angamari-ile onga vyevi, oolandiwa dowa udimu aluwa kaonanga, teto murambo oomukuneela moi katawandile muona nawili. 10 Vevo aluwa kapitilizaathu muing’ana agwelanga udimu, thawi ineyo alombwana ambin’li anayo kawarile vyowara vyowela kooimela vambali viwa. 11 Alombwanayo koowafuka ira: “Nyo athu awu Galileya, chifukwa n’ni mukede imela muing’ananga udimu? Yesu unoyo ulandiwe vaari vinyu dowa udimu, unoza awele mundila yofwanafwana na mwemo mumuonele nyo adowanga udimu.”
12 Vanduli viwa koowelela wu Yelusalemu, kumela wu Mwango wa Maolivi. Mwango unola uli vakwikwi na Yelusalemu, va ulendo wa kilomita imo-i. 13 Kangafiile mu mzindamo koodowa musubi lamudimu, mwemo kakalaathu. Vali Petulo, Yohani, Yakobo, Andreya, Filipo, Tomasi, Batolomeyo, Mateyu, Yakobo mwana wa Alifeyo, Simoni ovipeleka koma teto Yudasi mwana wa Yakobo. 14 Mogwilizana, etene anala koopitiliza pempela limo-i na Mariya m’mae wa Yesu, na a-iyana amo-iwa koma teto achimwenae a Yesu.
15 M’malambo anayo, Petulo ooimela vaari va abalayo (athu etene anayo kasonkanile vevo kali otamangela 120) moi aongile ira: 16 “Abalanga, vyali vyofuneya ira vyevyo Davide aloselile liye mosogoleliwa na zimu owela vikwakwaneli-ediwe. Liye aongile vyokuza Yudasi, unoyo asogolele athu ira kadowe kamu-inde Yesu. 17 Liye ali fwi-u, moi ootumikela limo-i na iyo. 18 (Muthu unola, oogula munda na chito do-olungama. Liye oogwa na muru phuleya ingulu moi marumbwae etene kookuma unde. 19 Vyevi vyooiziweya wa athu etene awu Yelusalemu, moi munda unola koouva-a zina la iongelo iwa loi A·kelʹda·ma, tapulela ira “Munda wa Magazi.”) 20 M’buku la Masalimo koolembamo ira, ‘Malwae okala kakale madembe, moi kavifwanyeye muthu uliwetene okalamo,’ koma teto koolembamo ira, ‘Udindwae monga oing’anela ulandiwe na muthu m’mo-iwa.’ 21 Eno ninafuneya sakula muthu ira avolowe m’malomwae vagulu la athu anayo kaenda limo-i na iyo, vathawi ineyo Yesu apanga liye vyongo vyo-iyana-iyana vaari vi-u. 22 Muthuwa unafuneya akale unoyo aenda limo-i na iyo kumela vevo Yesu abatiziwe liye na Yohani, za fiya va dambo lelo alandiwe liye vaari vi-u dowa udimu. Muthuyo akale mboni limo-i na iyo, yosimikizela ira Yesu oovenyi-iwa.”
23 Eno voosakuliwa athu ambin’li, Yosefe oromoliwa Barasaba, unoyo aiziweya teto ira Yusito, na Matiya. 24 Vanduli viwa koopempela ira: “Nyo Yehova,* munoiziwa mirima da athu etene, nitonyi-edeni muthu unoyo mumusakulile nyo vaari va athu ambin’lala 25 ira akale namarumiwa moi apangenga utumiki unoyo Yudasi apanga liye.” 26 Vanduli viwa koopanga maele, moi maelayo kootonyi-eda ira unoyo asakuliwe ali Matiya. Eno liye oo-eliwa va gulu la anamarumiwa 11.