Olembiwa na Luka
7 Yesu angamari-ile onga vyongo vyetene vyevyo afuna liye awandela athu, oodowa wu Kaperenao. 2 Wewo kapolo wa msogoleli wa asilikali, unoyo msogoleliyo amuomeliwana liye vinjinji, oobulela moi akede ala vang’ono khwa. 3 Msogoleliyo angavwile vya Yesu, oowaruma andimuwa amo-iwa a Ayuda wa liye dowa muvepa ira aze amuchili-e kapolwaeyo. 4 Athwayo kangafiile wa Yesu koowambeela muchondelela na murima wetene ira: “Muthu unola ngofwanelela ira mumukami-e, 5 chifukwa yoi unowaomeliwana athu a tundwi-u koma teto oonimangela sunagoge.” 6 Eno Yesu oomaruwa limo-i na aluwa. Koma kanga-alile vang’ono fiya vandevo, koogumana na athu anayo msogoleli wa asilikaliyo aarumile liye ira kadowe kamuwandele ira: “Mbwiyeni kamuvuteye za, kandili muthu ofwanelela ira muvolowe m’mba mwanga. 7 Chichifukwa iwa miyo ndaonile ira kandili ofwanelela ira ndize wa nyo. Koma mukede onga mawu oka moi wachitwangoyo unochila. 8 Chifukwa namiyene ndikaana andimuwa anayo ka-eliwe ira kandiing’anelenga koma teto ndikaana asilikali anayo ndinaaing’anela miyo. Ndamuwandela m’mo-i ira, ‘Dowa!’ unodowa, m’mo-iwa ndamuwandela ira, ‘Kaza uno!’ unoza. Kapolwanga ndamuwandela ira, ‘Panga yakuti!’ unopanga.” 9 Yesu angavwile vyevi oodabwa na muthuyo. Vanduli viwa ootembenuwa nowandela gulu la athu anayo kamu-arela ira: “Onga vyoona, ngakale mu Isaraeli kandifwanyilemo muthu uliwetene wa iroromelo ngati inela.” 10 Moi athu anayo karumiwe kangawelele waniwa, kamufwanyile kapoloyo angachilile.
11 Vangavirile thawi yoyeva, liye oomaruwa dowa mu mzinda umo-iwa oromoliwa ira Naini. Ofunjedae koma teto gulu lilukulu la athu lali limo-i na liye. 12 Angaandamele vamulango ulukulu wa mzindoyo, oogumana na athu kangatukulile malilo. Muthu unoyo akhwileyo ali mwana walombwana m’mo-i eka wa iyana wamasiye. Gulu lilukulu koma teto athu okumela mu mzindoyo kali limo-i na iyanoyo. 13 Yesu angamuonile iyanoyo oomuvwela chisoni, moi oomuwandela ira: “Miyalani m’mani.” 14 Angapangile eno oowandamela no-inda itandeyo moi athu anayo katukulile kakede imela. Vanduli viwa liye aongile ira: “Zombwewe, ndinaonga na weyo, venya!” 15 Vanduli viwa, zombwe unoyo akhwileyo oovenya nowambeela onga moi Yesu oomupeleka wa m’mae. 16 Athu etene kangaonile vyevi koowova vinjinji moi koowambeela tamanda Mulungu ira: “Namaongela mulukulu uoneela vaari vi-u.” Koowonga teto ira, “Mulungu uumbuwela athwae.” 17 Khani inela yoonga vya Yesu, yoofalikela valivetene mu Yudeya mwetene na m’madela etene avakwikwi.
18 Ndiye Yohani oowandeliwa vyongo vyetene vyevi na ofunjedae. 19 Eno Yohani oowaitani-a ofunjedae ambin’li nowaruma wa Yesu dowa mufuka ira: “Kodi Mesiya unoyo ninamudedi-edela iyo ngu nyo kapena nidedi-ede m’mo-iwa?” 20 Ofunjedayo kangafiile wa Yesu kaongile ira: “Yohani M’batizi uniruma ira nize niufukeni ira: ‘Kodi Mesiya unoyo ninamudedi-edela iyo ngu nyo kapena nidedi-ede m’mo-iwa?’” 21 Vathawi ineyo liye oochili-a athu anjinji anayo kavuteya na marenda o-iyana-iyana koma teto anayo kabulela vinjinji nokumi-a mizimu dotakala. Ookami-a teto athu anjinji anayo kan’na vuto lo-oona ira kaambeele ona. 22 Eno Yesu oowasomeda ira: “Dowani mwamuwandele Yohani vyevyo muonile nyo na vyevyo muvwile nyo: Athu anayo kan’na vuto lo-oona kanoona, orangala kanoenda, amakate kanochili-iwa moi anayo kan’na vuto lo-ovwa kanovwa. Okhwa kanovenyi-iwa moi osauwa kanowandeliwa uthenga wapama. 23 Osangalala ngu muthu unoyo kanafwanya yokumudwi-a mwa miyo.”
24 Athu anayo Yohani aarumile liye kangadowile, Yesu oowambeela wandela gulu la athu vyokuza Yohani ira: “Kodi mwadowile muipululu dowa ona n’ni? Kodi mwadowile dowa ona bango lotekenyeya na lipevo? 25 Nanga mwadowile dowa ona n’ni kwenikweni? Kapena mwadowile dowa muona muthu owara vyowara vyavadimu? Naari, vale athu anayo kanawara vyowara vyavadimu koma teto anayo kanakala moyo wapama vinjinji kanafwanyeya munyumba da mamwene. 26 Nanga mwadowile dowa ona n’ni kwenikweni? Kapena mwadowile ira mudowe mwamuone namaongela? Ee, ndinaauwandelani, Yohani ngu namaongela koma teto ngofuneya vinjinji kwaranya anamaongela. 27 Malemba kanaonga vya muthu unola ira: ‘Kaona! Miyo ndinomutumiza mtumikanga ira asogole dowa usakaedela ndila.’ 28 Onga vyoona, va athu etene, kalivo mulukulu kwaranya Yohani. Koma muthu unoyo uli n’ng’onong’ono mu Umwene waudimu ngu mulukulu kwaranya liye.” 29 (Athu etene koma teto okomi-a misonkho kangavwile vyevi, kaongile ira Mulungu ngolungama, chifukwa aluwa kali kangabatiziwe na Yohani. 30 Koma Afarisi na athu oiziwa Ilamulo koonyalanyaza malangizo anayo Mulungu aava-ile liye. Eno Yohani kaabatizile.)
31 “Kodi athu a m’bado unola ndiaerekezele na mbaani, nanga kanafwanafwana na mbaani? 32 Aluwa kali ngati a-ima ang’onong’ono anayo kagaratile musika nokuwelanga afwiwa owaledana ira: ‘Noouimbelani itolilo, koma nyo kamwainile. Nooula mokuwa, koma nyo kamwaulile.’ 33 Mofwanafwana na vyevi, Yohani M’batizi ooza moi kanadja koma teto kanang’wa vinyu, koma nyo munaonga ira: ‘Ukaana iwanda.’ 34 Mwana wa muthu uza, moi liye unodja koma teto unong’wa, koma nyo munaonga ira: ‘Kaonani! Muthu odja vinjinji na oomeliwa vinyu, fwae wa okomi-a misonkho na ochimwa!’ 35 Mulimwetene, zelu inosimikizeleya ira chi yolungama chifukwa ya chito diwa.”
36 Ndiye Mfarisi m’mo-iwa oomukanyi-eda Yesu ira adowe adje waniwa. Eno liye oodowa waniwa wa Mfarisiyo moi oomuva-a yodja. 37 Koma iyana m’mo-iwa unoyo ali oiziweya pama mu mzindoyo ira ali ochimwa, oovwa ira Yesu unadja yodja m’mba mwa Mfarisiyo. Eno liye oodowa wewo na botolo lopangiwa na libwe la alabasitala, mungali makura onukela vinjinji. 38 Angafiile ookokora vakwikwi na manyalo a Yesu nowambeela ula, moi oowambeela nyeti-a manyalwayo na misodi, thawi imo-ive ineyo apukutanga manyalwayo na sisi la m’muru mwae. Koma teto ookisa manyalwayo mwachikondi nomuzoli-a makura onukelayo. 39 Mfarisi unoyo amuitanile Yesu angaonile vyevi, m’murimani mwae aongile ira: “Aakale ira muthu unola ngu namaongela, ooiziwa ira iyanola ngochimwa.” 40 Koma Yesu oomusomeda ira: “Simoni, ndinafuna ndiuwandele yongo imo-iwene.” Liye aongile ira: “Ndiwandeleni Mphunzisi!”
41 “Alombwana ambin’li koongongola ndalama wa muthu m’mo-iwa unoyo angongoli-a ndalama. Muthu m’mo-i angongolile madinari* 500, koma m’mo-iwoyo angongolile madinari 50. 42 Kangalepelile weli-a ngongoledo, mwinyailole oowakululukela na murima wetene. Kodi ngu mbaani wa athu ambin’layo unoyo unamuomeliwena vinjinji ongongoli-a ndalamoyo?” 43 Simoni oosomeda ira: “Ndinaganiza ira ngunoyo akululukeliwe ngongole injinjiyo.” Yesu oomuwandela ira: “Usomeda molondola.” 44 Eno Yesu ootembenuwa nomuing’ana iyanoyo nomuwandela Simoni ira: “Umuona iyanola? Ngakale ira ndivolowa m’mba mwawo, kundiva-ile ma-inje o-uwana manyalwanga. Koma iyanola unyeti-a manyalwanga na misodi dae nowapukuta na sisi lae. 45 Weyo kundiva-ile kisi, koma iyanola, kumela vevo uvolowile liye muno, ka-iile kisa manyalwanga mwachikondi. 46 Weyo kuzoli-ile makura m’muru mwanga, koma iyanola, uzoli-a manyalwanga makura onukela. 47 Va chifukwa inela, ndinauwandela ira machimwae kookululukiwa, ngakale ira mboinjiva. Chichifukwa iwa unatonyi-eda chikondi yoinjiva. Koma unoyo ukululukeliwe machimo oyeva unotonyi-eda teto chikondi yoyeva.” 48 Vanduli viwa Yesu oomuwandela iyanoyo ira: “Machimwawo kookululukiwa.” 49 Athu etene anayo kadja vatebulo limo-i na Yesu koowambeela vifuka m’murimani mwiwa ira: “Kodi muthu unola ngu mbaani, unoyo unawanda teto kululukela machimo?” 50 Koma liye oomuwandela iyanoyo ira: “Iroromelo yawo iuvulumucha. Dowa mwamurendele.”