Vyoira Vya Anamarumiwa
28 Ningavulumuwile, noovwa ira ilumbeyo inaromoliwa ira Melita. 2 Athu availumbeyo koonitonyi-eda oma murima wavadela. Aluwa kootumbanya mulo moi kooniwachela pama etene chifukwa oorumbwa zongwe koma teto oodidila. 3 Koma Paulo angadodile khuni nodi-ela vako, vookuma nyowa yaivili chifukwa yovi-a wa mulo moi yoomuluma kaamela vandanda lae. 4 Athu availumbeyo kangaonile nyowa yapoizoniyo ingakaameele vandanda lae, koowambeela wandelana ira: “Ndithu muthula ngopha athu, ngakale ira uvulumuwa vanyanja, chilungamo* kimulolile ira akaleve na moyo.” 5 Koma liye ooivocheda vako nyoweyo moi kayamuporechile. 6 Athwayo kaembekezela ira ndandalo linozimba kapena thawi ineyo unogwa nokhwa. Koma kangaembekezele wathawi yolapa koma teto kangaonile ira kavali yongo iliyetene ineyo inamuireela, koochenja maganizwiwa moi koowambeela onga ira liye ngu mulungu.
7 Vakwikwi na malo anala, vookala maminda a muthu m’mo-iwa unoyo aing’anela ilumbeyo, zina lae Papuliyo. Liye ooniwachela pama vinjinji moi oonisamalela wa malambo maralu. 8 Koma babae wa Papuliyo oobulela malungo koma teto marenda osegula magazi moi ali angagonatile. Eno Paulo oovolowa m’mba mwemo baboyo agonatile liye nopempela moi vanduli viwa oomu-inda vamuru na mandae nomuchili-a. 9 Vingairile eno, athu etene anayo kabulela vailumbeyo, kooza wa liye moi oowachili-a. 10 Aluwa koonilemekeza voniva-a mphaso dinjinji, koma teto vevo namaruwa iyo kooniva-a vyongo vinjinji vyevyo nafuneya iyo.
11 Vangavirile medi miralu, noomaruwa va ngalawa ya wu Alekizandiriya ineyo yan’na izindikilo ya “A-ima a Zeu.” Ngalawa inela yooimela vailumbavo vodedi-edela ira nyengo yodidila imale. 12 Vanduli viwa noofiya vamalo anayo vafiyeda ngalawa wu Surakusa moi nookala wewo wa malambo maralu. 13 Ningakumile wewo, noopitiliza ulendwi-u dowa fiya wu Regio. Vangavirile dambo limo-i, lipevo lokumela um’mwela loowambeela moi dambo lanambili noofiya wu Potiyolo. 14 Wewo noowafwanya abali moi koonivepa ira nikale na aluwa wa malambo 7. Vanduli viwa noopitiliza ulendwi-u odowa wu Roma. 15 Abali a wewo kangavwide vya iyo, kooza za fiya mpakana vasika wa Apiyo na va Nyumba Taaru Dedo Vafiyeda Alendo za nichingamela. Paulo angaaonile, oothokoza Mulungu moi oolimba murima. 16 Ningafiile wu Roma, Paulo oololiwa ira akalenga ekave na silikali omuing’anela.
17 Vangavirile malambo maralu, Paulo oowaitani-a andimuwa a Ayuda. Moi kangasonkanile, ooawandela ira: “Abalanga, ngakale ira kandipangile yongo iliyetene yoruni-ana na athu kapena miyambo da makolwi-u, koondi-inda wu Yelusalemu nondipeleka m’mandani mwa Aroma ngati mkaidi. 18 Moi kangasaelile, koofuna ndimasula chifukwa katandifwanyilena mulandu ofwanelela phiwa. 19 Koma Ayuda kookoonda ira ndimasuliwe moi ndoovepa ira ndize ndioneele wa Kaisara. Koma kandapangile vyevi na yolinga yoi ndize ndiongele vyotakala athu a tundwanga. 20 Vachifukwa inela, ndoovepa ira ndize ndionge na nyo, voi ndimangiwa na unyolola chifukwa ya idedi-edo ineyo Aisaraeli kan’naathu.” 21 Aluwa koomusomeda ira: “Iyo kaniwachelile kalata iliyetene yokumela wu Yudeya yoonga vya weyo. Kavali muthu uliwetene mwa abali anayo kazide kumela wewo, unoyo uniwandelile kapena onga yongo iliyetene yotakala yokuza weyo. 22 Komave ninafuna nivwe maganizwawo, chifukwa onga vyoona, etene iyene ninoiziwa ira gulu linyu la mpatukoli athu kanoliongela vyotakala uliwetene.”
23 Vanduli viwa koopangana dambo ira kaze kagumane na liye moi athu anjinji kooza wewo akala liye. Eno ambeela mamawa mpakana mazulo, oowafotokozela khani yetene moi oopangela umboni mokwakwanela vya Umwene wa Mulungu. Oopanga vyevi vo-indi-eda chito makundo okopa chidwi oonga vya Yesu, okumela mu Ilamulo ya Mose koma teto vyevyo anamaongela kalembileathu. 24 Athu amo-iwa koowambeela roromela vyevyo Paulo aongile liye, koma amo-iwa kataroromele. 25 Eno voi kooruni-ana, amo-iwa koowambeela venyavo. Koma Paulo oowonga mawu oyi:
“Zimu owela oowonga vyoona wa makolwinyu awale zela mwa namaongela Yesaya. 26 Zimuyo waongile ira, ‘Dowa wa athwala moi udowe waawandele ira: “Munoza muvwe, koma kamunaza muzindikila. Munoza muing’ane, koma kamunaza muona iliyetene. 27 Chifukwa athwala koumi-a mirima diwa, moi koovwa na mabarwiwa, koma katinapanga vyevyo kavwideathu. Ko-eya maswiwa ira katione, koma teto ko-eya mabarwiwa ira kativwe nozindikila vyevyo vinatapulelaathu, notembenuwa ira ndiachili-e.”’ 28 Eno iziwani ira ndila ya Mulungu yovulumuchela athu, itumiziwa wa athu a mitundu dimo-i. Moi mookaikela, aluwa kanoza kavuruwane.” 29* ——
30 Eno Paulo ookalave wachaka mbin’li munyumba ineyo apanga liye lendi, moi athu etene anayo kaza muona ooawachela na manda men’li. 31 Liye oowalaleela vya Umwene wa Mulungu koma teto afunji-a vya Mbwiye Yesu Kristu, molimba murima vinjinji* moi kavali yongo yomulepeli-a.