Olembiwa na Luka

19 Ndiye Yesu oovolowa mu mzinda wa Yeriko, koma akeda vira. 2 Mu mzindoyo mookala muthu m’mo-iwa zina lae Zakeyu. Liye ali ndimuwa wa okomi-a misonkho moi ali olemela. 3 Liye oofunechecha angamuonile Yesu, koma chifukwa yoi ali okwiiva kaakwakwani-ile muona chifukwa ya gulu la athu. 4 Eno liye ootamangela usogolo dowa gwela mutengo wa nankuyu ira amuone Yesu, chifukwa liye avira musewu unoyo. 5 Yesu angafiile vamalovo, ooing’ana mudimu nomuwandela ira: “Zakeyu, tita mombaraanya, chifukwa peeno ndinafuneya kala m’mba mwawo monga mulendo.” 6 Angavwide vyevyo, liye ootita mombaraanya moi oomuwachela m’mba mwae monga mulendo mosangalala. 7 Vevo athu kamuonileathu avolowanga m’mba, etene koowambeela ng’ung’uza noonga ira: “Liye ufiyede m’mba mwa muthu ochimwa.” 8 Koma Zakeyu ooimela nomuwandela Yesu ira: “Mbwiyeni, miyo ndinopeleka hafu ya chumanga wa athu osauwa. Moi iliyetene ineyo ndamuwakile miyo muthu uliwetene* ndinomuweli-eda enjedela maulendo 4.” 9 Yesu angavwile vyevi, oomuwandela ira: “Peeno ipulumuso ifiya vande vano, chifukwa naliyene teto ngu mwana wa Aburahamu. 10 Mwana wa muthu azide za saelasaela koma teto za vulumucha athu o-olowa.”

11 Vevo aluwa kavuruwanaathu vyevi, liye ooawandela fanizo limo-iliwa chifukwa ali vakwikwi na wu Yelusalemu moi athwayo kaganiza ira Umwene wa Mulungu unooneela thawi ineyo. 12 Eno liye aongile ira: “Muthu m’mo-iwa wa m’banja la umwene akozeela ira adowe undendai ira adowe awachele umwene vanduli viwa awelewo. 13 Ndiye oowaitana akapolwae 10 nowava-a ndalama dokwakwana ma mina* 10 moi ooawandela ira, ‘Mupange malonda na ndalamadi mpakana ndingazidewo.’ 14 Koma athu a muilambo ya waniwa kooidana na liye moi aluwa kootumiza asogoleliwa za onga ira, ‘Iyo kaninafuna ira muthula akale mweni-u.’

15 Angawelele waniwa vanduli vowachela umwenoyo, oowaitana akapolwae anayo aava-ile liye ndalamale* ira kaze wa liye, noona ndalama dedo kapindulileathu va malonda anayo kapangaathu. 16 Owambeela ooza moi aongile ira, ‘Mbwiyeni, ndalaminyu ya mina ineyo mwandiva-ile nyo ipindula ndalama dimo-idiwa dokwakwana ma mina 10.’ 17 Liye oomuwandela ira, ‘Upanga pama, uli kapolo wapama! Chifukwa utonyi-eda ira uli ororomeleya va vyongo ving’onong’ono, moi ndinouva-a ulamulilo oing’anela mizinda 10.’ 18 Vanduli viwa wanambili ooza moi aongile ira, ‘Mbwiyeni, ndalaminyu ya mina ineyo mwandiva-ile nyo ipindula ndalama dimo-idiwa dokwakwana ma mina 5.’ 19 Liye oomuwandela teto wanambiliyo ira, ‘Nawen’ne unaing’anelenga mizinda 5.’ 20 Koma wanaralu ooza moi aongile ira, ‘Mbwiyeni, ndalaminyu ya minele chila. Ndooimanga vanguwo noisunga. 21 Ndapangile vyevi chifukwa youwovani. Nyo muli muthu ouma murima. Munolanda vyongo vyoi kamusungi-ile moi muno-anda vyongo vyoi kamufesile.’ 22 Liye oomuwandela ira, ‘Ndinouweluza mogwilizana na vyevyo uongile we, kapolo otakalawe. Unaonga ira miyo ndili muthu ouma murima, olanda vyongo vyoi kandisungi-ile na o-anda vyongo vyoi kandifesile. 23 Ndiye chifukwa n’ni kawasungi-ile ndalamangeyo* ubanki? Waapange eno, miyo voza ndooilanda limo-i na ndalama imo-iwa yoenjedela.’

24 Eno liye ooawandela athu anayo kali vakwikwi ira, ‘Muwakeni ndalama ya mineyo nomuva-a muthu unoyo un’na ndalama 10 da mina.’ 25 Koma aluwa koomuwandela ira, ‘Mbwiyeni, liye ukaana wale ndalama 10 da mina!’— 26 Liye oosomeda ira, ‘Ndithu ndinaauwandelani, muthu uliwetene unoyo un’na vyongo, unoza ava-iwe vyongo vimo-i vyoinjiva, koma unoyo kan’na unoza awakiwe ngakale vyevyo un’na liye. 27 Koma teto anayo katifunile ira miyo ndikale mweniwa, azenani uno moi muwaphe ndionanga.’”

28 Angamari-ile onga vyevi, oopitiliza ulendwae odowa wu Yelusalemu. 29 Ndiye angaandamele wu Betefage na Betaniya, va Mwango wa Maolivi, oowaruma ofunjedae ambin’li. 30 Liye ooawandela ira: “Dowani mudela lelo munaliona nyo, moi mwavolowa mwemo munodowa mwafwanye bulu n’ng’onong’ono wapongo kangamumangelele, unoyo kanagweliwevo na muthu. Mudowe mwamumasule nomuzana uno. 31 Koma muthu uliwetene aufukani ira, ‘Chifukwa n’ni munamumasula bulula?’ Mudowe mwaonge ira, ‘Mbwiye unaamufuna.’” 32 Eno athu anayo karumiwayo koomaruwa moi koomufwanya buluyo monga mwemo Yesu mwaawandelele liye. 33 Koma vevo kamasulaathu buluyo, anyailo koowafuka ira: “Chifukwa n’ni munamumasula bulula?” 34 Aluwa koosomeda ira: “Mbwiye unaamufuna.” 35 Vevo aluwa koomulanda mudowana wa Yesu. Vanduli viwa koo-ela malaiwa aunde vathana va buluyo moi Yesu oogwelavo.

36 Vevo aenda liye, athu kootandela malaiwa aunde musewu. 37 Angakede fiya vakwikwi na sewu okumela wu Mwango wa Maolivi, gulu letene la ofunjedae loowambeela sangalala notamanda Mulungu mogweli-a mawu chifukwa ya chito detene dakopolo dedo kaonileathu. 38 Aluwa kaonga ira: “Odalisiwa ngunoyo unaza monga Mwene muzina la Yehova!* Murendele udimu na ulemelelo udimu vinjinji!” 39 Koma Afarisi amo-iwa anayo kali mugululo koomuwandela Yesu ira: “Mphunzisi, awandeleni ofunjedinyu ira kamiyale.” 40 Koma Yesu oowasomeda ira: “Ndithu ndinaauwandelani, akala aluwa kanamiyale, mabwe kanokoza kuwa.”

41 Sopano Yesu angaandamele mzinda wa Yelusalamu, oowona mzindoyo moi oowambeela ula. 42 Liye aongile ira: “Ndafuna ira uzindikile vyongo vyevyo vyauzi-ede murendele—* koma sopano vibiseya ira kuwande viona. 43 Chifukwa thawi inoza ifiye vevo adanawo kanazeathu kamange mpanda wa vimwiri vyosongowa urungunuwa. Aluwa kanoza kauukele* kumela umbali detene. 44 Aluwa kanoza kaugwi-e vati nouwononga limo-i na a-ima anayo kali mwa weyo. Moi katinaza ka-iya libwe lililetene vadimu va libwe limo-i, chifukwa kuzindikilile ira thawi yoi uweluziwe ikwakwana.”

45 Ndiye oovolowa mukachisi nowambeela tamangi-a athu anayo kaguli-a vyongo mwemo 46 moi ooawandela ira: “Malemba kanaonga ira, ‘Nyumbanga inoza iromoliwe nyumba yopempelelamo,’ koma nyo muichenja kala malo ovitalelamo mambava.”

47 Moi dambo na dambo liye oopitiliza funji-a mukachisimo. Koma asembe alukulu, alembi na andimuwa a athu koofunechecha mupha. 48 Koma aluwa katakwakwani-ile panga vyevi chifukwa yoi athu anjinji kooza wa liye ira kaze kavuruwane vyevyo afunji-a liye.