MBALI 8

Kodi Khwa wa Yesu Unaukuzani Avi?

Yesu ookhwa ira iyo nikale na moyo. Yohani 3:16

Azimai kanaing’ana m’manda a Yesu mookala yongo

Vangavirile malambo mararu Yesu angatatiile, azimai amo-i koodowa umandae moi katafwanyilewo yongo. Yehova ali angavenyi-ile Yesu.

Yesu ooneela wa anamarumiwae, vanduli viwa oowelela udimu

Vanduli viwa Yesu ooneela wa anamarumiwae.

Yehova oovenyi-a Yesu ira akale ngelo wakopolo teto oomuva-a moyo unoyo kunakhwe. Ofunjeda a Yesu koomuona vevo adowa liye udimu.

Mulungu oovenyi-a Yesu teto oomu-ela kala Mwene ya Umwene wa Mulungu. Daniyeli 7:13, 14

Angali vapandwae mu Umwene wa Mulungu, Yesu unalamulela athu vailambo yavati ya paradaizo

Yesu oopeleka moywae dipo ira aombole athu. (Mateyu 20:28) Zela mu dipo lelo, Mulungu upanga vyoi nize nikale na moyo o-omala.

Yehova oosakula Yesu kala Mwene ira alamulele ilambo yavati. Liye unoza alamulele na athu ororomeleya okwakwana 144 000 anayo kanavenyi-iwa kumela vailambo yavati dowa udimu. Yesu vamo-i na athu 144 000 anayo kanoza kalamulele m’boma la udimu kapena ira, Umwene wa Mulungu. — Chivumbuluso 14:1-3.

Umwene wa Mulungu unoza uzi-e Paradaizo vailambo yavati. Teto kavinaza vikala kondo, chiwawa, sauwa koma teto ndala. Athu kanoza kakale osangalala vinjinji. — Salimo 145:16.