Kodi Munapange Avi Ira Uliwetene M’banja Linyu Asangalalenga?

Chikondi chofuneya vinjinji ira uliwetene m’banja akalenga osangalala. Aifeso 5:33

Vyevyo Mulungu unafuna liye vakhani ya ukwati pivyoi lombwana akale na iyana m’mo-i koma teto iyana akale na lombwana m’mo-i.

Lombwana wachikondi unomuomela murima iyanae koma teto unomuvwechecha.

Iyana unafuneela panga vyongo mogwilizana na mamunae.

A-ima kanafuneela vwela makolwiwa.

Kalani ooma murima koma teto ororomeleya, o-okala ankhanza. Akolose 3:5, 8-10

Mawu a Mulungu kanaonga ira lombwana amuomeliwengana iyanae ngati mwemo munaomeliwana liye thuthu lae, koma teto ira iyana amulemekezenga vinjinji mamunae.

Gonana na muthu unoyo kai iyana kapena mamuninyu kulakwa. Thela mitala kulakwa teto.

Mawu a Yehova kookaana makundo anayo kanakami-e mabanja kala osangalala.