Yakobo Oowachela Madaliso

Isaki angan’na chaka 40 oomutela Rabeka moi oomuomeliwana vinjinji. Vangavirile thawi, aluwa kookaana a-ima ambin’li anasambili.

Mwana wandimuwa zina lae ali Esau, teto wa ng’onong’ono zina lae ali Yakobo. Esau oomeliwa dowa saya nyama ukokolani. Koma Yakobo oomeliwa garati vande.

Vathawi inela baba atatiya, mwana owambeela ngunoyo ava-iwa malo alukulu koma teto ndalama dinjinji da banjalo. Vyevyo ava-iwa liyevyo vyaromoliwa ira cholowa. M’banja la Isaki cholowa inela yatangani-avo vyongo vyevyo Yehova amulonjezile liye Aburahamu. Esau kaaganizela vinjinji vya malonjezo anala koma Yakobo oona ira malonjezwayo mbofuneya vinjinji.

Dambo limo-i Esau oodowa osaya nyama moi awelilewo angagomile vinjinji koma teto angan’na ndala. Amufwanyile Yakobo aphiyanga vyodja moi oovwa nukela wa vyodjavyo. Liye oomuwandela Yakobo ira: ‘Ndigawelewo vyodjavyo chifukwa ndivoliwa ndala vinjinji.’ Yakobo oomusomeda ira: ‘Ndinougawela, koma yowambeela undilonjeze ira ndinoza ndiwachele madaliswao.’ Eno Esau oosomeda ira: ‘Miyo vyamadaliswayo kandin’na chito. Tukula madaliswayo. Ineyo ndinafuna miyo chi yodja ba-i.’ Kodi munaganiza ira veva Esau oopanga pama? Naari. Ninaonga eno chifukwa liye oopeleka yongo yofuneya vinjinji kwaranya yodja.

Isaki angakalambile, yoofiya thawi yoi apeleke madaliso wa Esau chifukwa yoi ali mwana owambeela. Koma Rabeka oomukami-a Yakobo ira awachele madaliswayo. Esau angazindikele ira Yakobo uwachela madaliswae, oolunduwa vinjinji moi oofuna mupha balaeyo. Isaki na Rabeka vofuna muteteza Yakobo koomuwandela ira: ‘Dowa wu Harana wa moyawo Labani. Wakale wewo mpakana murima wa Esau ungakalile m’malo.’ Yakobo oovwela vyevyo makolwae kamuwandelileathu moi ootawela wu Harana.