Yehova Kamudiwalile Yosefe

Yosefe angali mundende, Farao unoyo ali mwene yawu Iguputo, ooro-a vyoro-a. Kaalivo unoyo akwakwani-e tapulela vyoro-avyo. Wachito m’mo-i wa Farao oonga ira Yosefe unokoza tapulela vyoro-avyo. Thawi ineyo, Farao oomuitani-a Yosefe.

Angafiile, Farao oomufuka ira: ‘Kodi unokoza ndiwandela tapulela wa vyoro-a vyanga?’ Yosefe oosomeda ira: ‘Vachaka 7 dinazadi, mu Iguputomu munoza mukale vyodja vinjinji koma vanduli viwa vanoza chaka dimo-idiwa 7 da ndala. Mumusakule muthu wazelu ira asonkani-e yodja ira athwinyu katikhwe na ndala’. Farao oosomeda ira: ‘Ndiusakula weyo. Unokala wondi-arela’. Kodi Yosefe akwakwani-ile avi tapulela vyoro-a vya Farao? Yehova ngunoyo amukami-ile.

Eno Yosefe oosonkani-a yodja wa chaka 7. Vanduli viwa vailambo yetene vookala ndala ngati mwemo liye mwaongele liye. Athu okumela muvilambo vyo-iyana iyana kooza za gula yodja wa Yosefe. Eno babae oovwa ira wu Iguputo ukala yodja, moi oowatumiza achimwenae 10 a Yosefe ira kadowe kagule yodja.

A-ima a Yakobo koodowa wa Yosefe moi liye angaaonile oowazindikila. Koma achimwenayayo katamuiziwile. Aluwa koomukokorela moi vi vyali vyogwilizana na vyoro-a vyevyo Yosefe aro-ile liye angali mwana. Koma liye afuna aiziwe akala abalayayo kan’nave maganizo olakweya. Eno oowawandela ira: ‘Nyo muli athu onama! Muuza uno na yolinga yoi musaele malo anayo ilambo yi-u iliathu yofooka.’ Aluwa koosomeda ira: ‘Naari. Nikumele wu Kanani teto m’banja li-u nilimo a-ima 12. Bali-u m’mo-iwa ookhwa angali mwana moi wang’onong’ono u-alile na babi-u.’ Eno Yosefe oonga ira: ‘Mudowe mwamuzena ng’onong’onwinyuyo ira ndiuroromeleni.’ Vyangaireile eno achimwenae a Yosefe koowelela waniwa.

Vanduli viwa yodja ineyo katukulileathwile yoomala, Yakobo oowawandela teto nawili ira kawelele wu Iguputo. Vaulendo unola koodowa limo-i na ng’onong’onwiwa zina lae Benjamini. Vofuna aesa abalayayo, Yosefe oosunga kapu mutumba la Benjamini nowawandela ira aluwa kooba kapuyo. Achito a Yosefe koofwanya kapuyo mutumba la Benjamini moi vi vyoowadabwi-a vinjinji abalayayo. Aluwa koomuvepa Yosefe ira aalange aluwa m’malo mwa Benjamini.

Va Yosefe ooiziwa ira abalayayo koochenja vinjinji. Liye oolepela vilela moi oowambeela ula noonga ira: ‘Miyo ndili Yosefe, balinyule. Kodi baba uli moyo?’ Abalayayo koodabwa vinjinji. Koma Yosefe oowawandela ira: ‘Kamudandaule na vyevyo mwandipangelenyo. Mulungu ngunoyo anditumizile uno ira auvulumucheni. Dowani mwamulande baba mumuzena uno.’

Abalayayo koodowa muwandela babiwa khani yosangalasela moi koomulanda nomudowana wu Iguputo. Yosefe na ababayayo kangagumanile koosangalala vinjinji chifukwa vali vangavirile chaka dinjinji ka-anaonane.