Bulu wa Balamu Oonga

Aisaraeli kangakalile muipululu wa chaka dotamangela 40, koogonji-a mizinda dinjinji dakopolo. Vanduli viwa koomanga misasa diwa muipululu ya Mowabu yaumamawa wa Inje wa Yorodano. Thawi yoi kavolowe mu ilambo yolonjeziwa yali ingakwakwanile. Moi mwene wau Mowabu zina lae Balaki oova vinjinji voiziwa ira ilambwae inogonji-iwa. Eno yoomuitani-a muthu m’mo-iwa zina lae Balamu ira adowe aatembelele Aisaraeli.

Koma Yehova oomuwandela Balamu ira: ‘We kushishe dowa atembelela Aisaraeli.’ Eno Balamu ookoonda dowa wu Mowabu. Mwenele oomuitani-a teto nawili nomulonjeza ira inoza imuva-e iliyetene ineyo inafune liye. Koma Balamu ookoondave. Vanduli viwa Mulungu oomuwandela ira: ‘Unokoza dowa koma wakede onga vyevyo ndinauwandele miyo ba-i.’

Eno Balamu oomaruwa va bulwae dowa wu Mowabu. M’murima mwae afuna ira aatembelele Aisaraeli ngakale ira Yehova oomuwandela ira adowa kapange vyevyo. Eno mgelo wa Yehova oogumana na liye maulendo maralu vandila ineyo avira liye. Balamu kaamuona mgelola koma bulwae oomuona. Ulendo owambeela, buluyo ooperuwa novira m’munda. Ulendo wanambili, buluyo ooperuwa dowa vira vakwikwi na chisi lampanda moi vyevi vyoopangi-a ira nyalo la Balamu lipanikizeye. Ulendo wanaralu, buluyo oogonati vaari va ndila. Maulendo etene anala Balamu oomuvaza buluyo na imwiri.

Eno ulendo wanaralula, Yehova oopangi-a ira buluyo aonge. Buluyo oomufuka Balamu ira: ‘Kodi we unandivazela n’ni?’ Balamu oomusomeda ira: ‘Chifukwa yoi unondipusi-a, teto ukaana mwayi ira kandin’na supada. Ndooupha.’ Vevo buluyo oonga ira: ‘Ndikala ndiendanga na weyo wa chaka dinjinji. Kodi ndiambeela pangavo vyevi?’

Vanduli viwa Yehova oopangi-a ira Balamu amuone mgeloyo. Eno mgeloyo oomufuka ira: ‘Kodi Yehova kauwandele ira kushishe dowa atembelela Aisaraeli?’ Balamu oosomeda ira: ‘Pepani ndilakwa. Ndinowela.’ Koma mgeloyo oonga ira: ‘Dowa wu Mowabu koma wakede onga vyevyo Yehova unauwandele liye ba-i.’

Balamu kafunjedilevo yongo. Liye ooshisha atembelela Aisaraeli maulendo maralu. Koma Yehova oopangi-a ira aadalise m’malo mowatembelela. Vanduli viwa Aisaraeli koogonji-a ilambo ya Mowabu moi Balamu oophiwa. Liye aamuvwele Yehova, vyoomuendela pama.