Kachisi wa Yehova

Solomo anga-eliwe ira akale mwene wa Aisaraeli, Yehova oomufuka ira: ‘Kodi unafuna ira ndiuva-e n’ni?’ Solomo oosomeda ira: ‘Ndili mwana, moi kandinaiziwa vinjinji. Ndiva-eni zelu ira ndikwakwani-enga lamulela pama athwinyu.’ Yehova oomusomeda ira: ‘Voi undivepile zelu, ndinoupangi-a ira ukale muthu wa zelu kwaranya muthu uliwetene. Koma ndinouva-a teto chuma. Teto wandivwelanga, unoza ukale na moyo wolapa.’

Vanduli viwa Solomo oowambeela manga teto kachisi. Ooindi-eda chito golide, siliva, mitengo koma teto mwabwe moi vyetene vyevyi vyali vya ntengo wavadimu. Vookala alombwana na a-iyana aluso anayo ka-inda chito yomanga kachisiyo. Vangavirile chaka 7 chito yomangela yoomala moi yali thawi yoi kachisiyo kamupeleke wa Yehova. Kachisila ookaana guwa vevo ka-elilevoathu sembe. Solomo ookokora vasogolo va guwalo nopempela wa Yehova ira: ‘Yehova, kachisila kai oriya koma teto kai mulukulu oyi munokoza kwakwanamo.’ Koma niloleni ira niulambelengani va kachisi unola teto muvwenga mapempelwi-u. Kodi Yehova avwile avi na vyevyo Solomo aongile liye m’mpempeloli? Solomo angakede mari-a pempela, mulo wootita kumela udimu notumeya sembe detene dedo dali vaguwavo. Vi vyootonyi-eda ira Yehova oosangalala na kachisiyo. Moi Aisaraeli kangaonile vyevi, koosangalala vinjinji.

Mwene Solomo ooiziweya mu Isaraeli mwetene koma teto m’madela aundendai ira ali wazelu. Athu kooza waliye ira aakami-e vamavutwiwa. Teto mwene wa iyana wau Sheba ooza za mushisha vomufuka vyofuka vyorucha. Koma angavwile vyosomeda vya Solomo, oonga ira: ‘Kandaroromela vyevyo athu kandiwandelaathu vyokuza nyo. Koma va ndiiona ira muli wazelu vinjinji kwaranya teto mwemo athwayo mwaongelaathu. Yehova Mulungwinyu uudalisani vinjinji.’ Vyongo vyooenda pama wu Isaraeli teto athu koosangalala. Koma vira wa thawi vyongo vyoochenja.