MURU 59
Azombwe 4 Koomuvwela Yehova
Nebukadinezara angaladile akalonga awu Yuda nowadowana wu Babulo, oosakula nduna imo-iwa zina lae Asipenazi ira aaing’anelenga akalongayo. Nebukadinezara oomuwandela Asipenazi ira asakule azombwe athazi koma teto ooneya pama. Oomuwandela ira azombwayo kasamaleliwe koma teto kafunji-iwe wa chaka diralu na yolinga yoi kaze kakale andimuwa andimuwa aboma. Azombwe anala kafuneela teto afunji-a welenga, lemba koma teto onga iongelo ya Akasidi. Kafuneya teto ava-anga yodja ineyo mwene na athu o-inda chito unyumbae kadjaathu. Vagulu la azombwayo vookala Daniyeli, Hananiya, Misayeli, na Azariya. Koma Asipenazi oowava-a mazina Aibabulo oyi: Belitesazara, Sadirake, Mesake na Abedinego. Kodi vyevyo kaafunji-aathuvyo vyoopangi-a ira azombwala ka-iye tumikela Yehova? Naari.
Aluwa koosimikiza ira kanopitilizave muvwela Yehova. Kooiziwa ira katinafuneya dja yodja ya mwene chifukwa Ilamulo ya Yehova yookoondi-a vimo-i mwa vyodja vyevyo. Eno koomu- wandela Asipenazi ira: ‘Pepani kamuniva-enga yodja ya mwene.’ Koma Asipenazi oowasomeda ira: ‘Mwa-adjenga yodja ya mwene munowonda, moi mwene unondipha.’
Eno Daniyeli oofwanya zelu. Oomuwandela Asipenazi ira: ‘Muniva-enga matamba na ma-inje wamalambo 10. Vanduli viwa muze muone mwemo ninaoneela iyo na mwemo azombwe amo-iwa kanaoneelaathu.’ Asipenazi oosomedela.
Vangavirile malambo 10, Daniyeli na afwe aralwayo kooneya athazi kwaranya azombwe amo-iwayo. Yehova oosangalala vinjinji chifukwa yoi azombwala koomuvwela. Moi oomuva-a Daniyeli zelu moi oowanda iziwa tantauzo la masomphenya na vyoro-a.
Chaka diralu dile dingamalile Asipenazi oowadowana azombwe etene wa Nebukadinezara. Liye angaongile na aluwa, oona ira Daniyeli, Hananiya, Sadirake na Azariya kali azelu koma teto ochangamuwa kwaranya azombwe amo-iwayo. Eno oowasakula ira ka-indenga chito unyumbae. Mweneyo yoofuka zelu wa azombwala chifukwa Yehova oowakami-a kaana zelu kwaranya athu azelu etene a muilambweyo.
Ngakale ira azombwe 4 anala kakala uilambo imo-iwa katadiwalile ira aluwa kali athu a Mulungu. Kodi nyo teto mwangali umalo oyi makolwinyu katiliwo, munokoza pitilizave muvwela Yehova?
“Kulole ira muthu uliwetene audelele chifukwa yoi uli mwana. Koma m’malo mwiwa, ukale isazo wa ororomeleya m’maongelo, m’makalelo, muchikondi, muiroromelo, na ikalelo yowela.” — 1 Timoteyu 4:12