Yesu Oophiwa wu Gologota

Asembe alukulu koomulanda Yesu mudowana wa bwanamkubwa m’mo-iwa zina lae Pilato. Pilatoyo oowafuka athwayo ira: ‘Kodi muthula uchimwile n’ni?’ Aluwa koosomeda ira: ‘Unaonga ira ngu Mweni-u’. Eno Pilato oomufuka Yesu ira: “Kodi weyo uli Mwene wa Ayuda?” Yesu oosomeda ira: “Umwenanga kai wava ilambwela.”

Vyangaireile eno Pilato oomutumiza Yesu wa Herode, unoyo ali olamulela igawo ya Galileya, ira aone akala Yesuyo an’na mulandu. Koma Herode oofwanya ira Yesu kachimwile iliyetene. Eno oomutumiza nawili wa Pilato. Moi Pilato oowawandela athwayo ira: ‘Miyo na Herode niona ira muthula kachimwile. Eno ndinomumasula.’ Koma athwayo kookuwa ira: ‘Aphiwe! Aphiwe!’ Asilikali koowambeela mukwapula Yesu, mutapeda koma teto muvaza. Koomuwari-a teto chapowa ya minga nomunyozanga ira: ‘Mucheliwile avi Mwene wa Ayuda?’ Pilato oowawandela athwayo nawili ira: ‘Miyo kandifwanyile mulandu uliwetene mwa muthula.’ Koma athwayo kookuwa teto nawili ira: “Apachikiwe unoyo!” Eno Pilato oowava-a Yesu ira kamupachike.

Vanduli viwa koomudowana umalo oromoliwa Gologota moi koomukomela vatengo noimecha tengoyo. Koma Yesu oopempela ira: ‘Babani, muwakululukele chifukwa katinaiziwa vyevyo kanapangaathu.’ Athu koowambeela munyoza Yesu noonganga ira: ‘Akala uli Mwana wa Mulungu, tita vatengovo. Vivulumuche.’

Wachifamba m’mo-iwa unoyo apachikiwile vakwikwi na Yesu oomuwandela ira: “Mwandiumbuwele mwavolowa mu Umweninyu.” Angaongile vyevi Yesu oomulonjeza ira: “Unoza ukale na miyo m’Paradaiso.” Mutana ookala isi wa maora maralu. Am’mae koma teto ofunjedae kali vakwikwi. Yesu oomuwandela Yohani ira amusamalelenga Mariya ngati m’mae omubala.

Vanduli viwa Yesu oomuwandela Mulungu ira: “Ndikwakwaneli-eda vyofuna vinyu!” Eno ooramela vati moi ookhwa. Vathawi ineyo vooireya ivomelezi yakopolo. Koma teto nguwo ya mukachisi ineyo ya-iyani-a Malo Owela na Malo Owela Vinjinji yoong’ambeya vaari. Ndimuwa wa asilikali angaonile vyevi oonga ira: ‘Ula ali Mwana wa Mulungu.’