Kata-iile Laleela

Muthu m’mo-iwa o-oenda agaratecha va mulango wa kachisi novepavepanga. Dambo limo-i mazulo, muthuyo oomuona Petulo na Yohani kavolowanga mukachisimo. Liye oonga ira: ‘Ndikami-eni.’ Petulo oomusomeda ira: ‘Ndinouva-a yongo yapama vinjinji kwaranya ndalama. Muzina la Yesu venya nowambeela enda.’ Vanduli viwa oomu-inda ndanda nomuvenyi-a moi oowambeela enda. Athu koosangalala vinjinji moi anjinji kookala ofunjeda.

Koma asembe na Asaduki koolunduwa vinjinji. Aluwa koowa-inda anamarumiwayo nowadowana wu khoti moi koowafuka ira: ‘Kopolo yomuili-ela muthula muilandile waani?’ Petulo oosomeda ira: ‘Yesu unoyo mwamuphile nyoole ngunoyo univa-ile.’ Eno asogoleli aipembezo koonga mwauwali ira: ‘Mu-iye onga vya Yesu.’ Koma anamarumiwayo koosomeda ira: ‘Iyo kanina-iye moi ninerenga ongave.’

Petulo na Yohani kangakede masuliwa, koodowa wa ofunjeda amo-iwa dowa awandela vyevyo vyaireile. Aluwa koopempela limo-i ira: ‘Yehova ninavepa ira munikami-e kala olimba murima ira nilaleelengave.’ Yehova oowava-a zimu owela moi koopitiliza laleela koma teto ili-a athu. Athu anjinji kookala ofunjeda. Koma Asaduki vyoowavoreyave moi koowamanga anamarumiwayo nowa-eela mundende. Eno Yehova ootumiza mgelo ma-iyu ira a-ule visewo vya ndendeyo nowawandela anamarumiwayo ira: ‘Welelani wu kachisi mwafunji-enga athu.’

Dambo lo-arela, Khoti Lilukulu la Ayuda loowandeliwa ira: ‘Visewo vya ndende vili vyo-eya vyene koma athwale koodowa. Vano kali wu kachisi moi kanafunji-a athu.’ Athu koodowa amanga teto nawili nowadowana wu Khoti Lilukulu la Ayuda. Kangafiile, ndimuwa wa asembe oonga ira: ‘Kodi kaniuwandeleni ira mu-iye onga vyokuza Yesu?’ Koma Petulo oosomeda ira: “Iyo ninafuneya vwela Mulungu monga olamulela, ookala athu.”

Asogoleli aipembezo koolunduwa vinjinji moi koofuna apha anamarumiwayo. Koma Mfarisi m’mo-iwa zina lae Gamaliyeli ooimela noonga ira: ‘Athu nyo samalani. Athwala kanakami-iwa na Mulungu. Kodi munafuna mulimbanenga na Mulungu?’ Athwayo koovwela mawae moi kakede akwapula nowawandela ira kadowenga koma katidowe kalaleele teto nawili. Koma anamarumiwayo kata-iile laleela. Aluwa koolaleelave mwatindi mukachisi koma teto unyumba na nyumba.