Kalata Yokumela wu Bungwe Lolamulela

Abali na Arongola:

Chifukwa yoi ninomukonda Mulungu na athu, chikondi inela inonilimbikisa ira ‘nidowe nafunji-e athu amitundu detene nowabadiza.’ (Mat. 28:​19, 20; Maliko 12:​28-​31) Chikondi yeniyeni chakopolo. Inokuza murima wa athu ‘amaganizo apama anayo kanaatandize za fwanya moyo oomala.’ — Vyo. 13:48.

Mundulimu, noomeliwa loweza visazo vya ulaliki koma teto gawela mabuku. Koma panopa ninafuna nienjedele luso li-u lokambirana na athu. Ninafuna nitonyi-ede ira ninokonda athu vokambirana na aliwa khani dedo dinaapangi-a chidwi. Eno nikalenga okozeya chenja vyevyo nakozeele iyo koma teto niganizelenga vyevyo muthu uliwetene unafuneya liye. Kodi borosha leli linatandiza avi ira vyevi viwandeye?

Boroshali likaana miru 12, dofotokoza makalelo anayo ninafuneya iyo esaesa kaana ira nikondenga athu na yolinga yoi nifunjedenga na aliwa. Muru uliwetene ukumele vakhani ya m’Baibulo vevo Yesu kapena m’mo-i mwa atumiki anayo kalaleela mwatindi katonyi-edileathu ikalelo imo-iwene muutumiki. Yolinga yi-u kai loweza vyevyo kapangileathu koma fwanya ndila ineyo ninatonyi-edele iyo ira ninokonda athu. Ngakale ira makalelo etene anala mbofuneya va utumiki-u, komave ninoona mwemo makalelo amo-iwa kaliliathu ofuneya va ulendo owambeela, oweli-eda kapena teto vopangi-a phuzilo la Baibulo.

Mwaonanga vyevyo vili m’muru uliwetene, ganizelani mofaasa mwemo munatonyi-edele nyo ikalelo ineyo munafunjeda nyo mwaonganga na athu amudela linyu. Esaesani ira mukondenga vinjinji Yehova ko­ma teto athu. Kwaranya luso lililetene lelo muna-indi-ede nyo chito, chikondi chineyo inautandizeni ira mukwakwaneli-ede yolinga inyu yoi mufunji-enga athu.

Ninoyamikela vinjinji mwai ulukulu unoyo nin’na iyo otumikela limo-i mogwilizana. (Zef. 3:⁠9) Yehova audaliseni vevo munapitiliza nyo aomeliwana athu nowafunji-a..