Upainiya

Nino-indi-eda chito kopolo di-u mofwaneelela nakaana vyolinga vyotumikela Yehova. (1Akor 9:26) Ilambwela i-an’le van’gono onongiwa, eeno kaana vyolinga unonikami-eda ira ni-indi-edenga chito pama thawi-u koma mwazelu. (Aife 5:15, 16) Volambela winyu wa va banja, pivyongo vyiivi vyevyo munakambirane nyo ira muvikwakwaneli-ede mu chaka yautumiki inazela? Mu isibuku ya misonkanwela, mukala myasa dedo dinasambaula vyolinga vyo-iyana-iyana vyevyo munafuneela nyo viganizela koma teto vipepelela.—Yak 1:5.

Mofwanafwani-a, kodi nyo podi ira vyongo mogwilizana m’banja mwinyu, ira athu etene kaambeele upainiya wogarateya? Akala munakaikela vyoi munokwakwani-a maola anayo kanafuneela, nyo podi ongi-ana na apainiya amo-iwa anayo vyoireya vya vamoywiwa vinafwanafwana na viinyu. (Miy 15:22) Vamo-i, podi waleda teto na m’painiya m’mo-i volambela winyu wa vabanja. Mwera eeno nyo podi lemba ndandanda ya mwemo munairele nyo. Akala mwapangilevo upainiya mundulimu, nyo podi wona akala munakwakwani-e panga utumikula molandela na mwemo vyongo vililiaathu va moywinyu vathawila.

Kodi athu a m’banja mwinyu podi panga upainiya wokami-eda wa mwedi umo-i vamo-i medi dinjinji dene? Akala mun’na maningo ofooka pivyowandeya panga upainiya wokami-eda akala munadowe muutumiki dambo lililetene wathawi yoyeva. Akala kamunakaana thawi yokwakwanela yodowa muutumiki vaari va mulungu chifukwa yoi muli vachito vamo-i va sukulu, nyo podi sakula mwedi onoyo munakale nyo va holide vamo-i mwedi onoyo un’na malambo 5 a Looluka na Lamulungu. Lembani va kalendala, medi dedo munafuna nyo za panga upainiya wokami-eda teto chipama vaela koza ndandandiwa.—Miy 21:5.

ONELANI VIDIYO YOI MUZICHITA ZINTHU MOLIMBA MTIMA . . . APAINIYA, ERA EENO SOMEDANI YOFUKA YO-ARELELA:

• Kodi vyevyo vyaireele murongola Aamand vinanifunji-a n’ni iyo vya mwemo Yehova unakami-ela liye athu anayo kaviveleelile ira kaire upainiya?