Kodi Muno-indi-eda Chito Mokwakwanela Baibulo Lokeda Vuruwana?

Kodi Baibulo lokeda vuruwana chin’ni? Ti Baibulo la Dziko Latsopano lokoziwa loira jambula. Baibuloli linaakumi-iwa mwa vang’ono vang’ono muviwongelo vinjinji. Yosangalasa vinjinji na Baibuloli choyi linovweya na mawu o-iyana-iyana aathu ofwanyeya m’Baibulo anayo kaonga. Mawala kanowelengiwa na muzimu wa khaniyo koma teto kanogogomeziwa mofwaneelela ira utenga wa m’Baibulo uvweyenga molondola.

Kodi Baibulo lokeda vuruwana linakami-eda avi athu? Anjinji kanavuruwana Baibuloli kanoliwomeluwana chifukwa linowakami-eda ona ira mawu a Mulungu mbamoyo. Kanoona ira kavuruwanaga mawu aathu o-iyana-iyana vinowakami-eda ona m’maganizo mwiwa vyevyo vyaireecha koma teto kanovwechecha pama vyevyo vyalembiwe m’Baibulo. (Miy 4:5) Kanoona teto ira vuruwana Baibuloli unogarati-a murimiwa vati kakumbanyanga. — Sal 94:19.

Vwa mawu a Mulungu kawelengiwanga mogweli-a unokaana kopolo vinjinji. (2Li 34:19-21) Akala Baibulo lokeda vuruwana lilivo latuta kapena mbali imo-i yoka muiwongelo eneyo munavwa nyo, munokoza sakula vyoi mulivuruwanenga thawi detene mwairanga vyongo vyokuza lambela.

ONELANI VIDIYO YOI ZIMENE ZINACHITIKA POJAMBULA BAIBULO LONGOMVETSERA, ERA EENO SOMEDANI YOFUKA YO-ARELELA:

Chin’ni inauiri-ani chidwi mwaona vevyo vyaireile vojambula Baibulo lokeda vuruwana?