Hulda Ookwakwaneli-eda Yolinga Yae
AAKALE ira moodowa wu Indonesia chaka taaru diviriledo moofwanya arongola aralu anayo ka-inda chito m’mbali mwa nyanja va chilumba ing’onong’ono ya Sangir Besar. Aliwa kanoiziweya vinjinji va chito yofunji-a athu Baibulo. Koma vathawiila aliwa ka-inda chito imo-iwa.
Chilumba ya Sangir Besar umpoto wa Indonesia
Yowambeela aliwa koovolowa mwiko dowa tukula mabwe alukulualukulu nowazana unde. Amo-i mwa mabwe anala kakala alukulualukulu ngati bola. Kera eno koogarati vamipando nowambeela phwanya mabwayo na mahamala ira kakale ang’onong’ono ang’onong’ono. Kera eno koo-ela mabwayo m’mabigini nowadowana wewo kakalaathu. Vanduliviwa koo-ela mabwayo m’matumbani alukulualukulu ira magalimoto katukulenga nodowa a-indi-eda chito vosakaeda sewu.
Hulda unadoda mabwe m’mbali mwa nyanja
M’mo-i mwa arongolala ali Hulda. Chifukwa ya mwemo vyongo vyaliliathu va moywae, liye oo-inda chito wathawi yolapha kwaranya afwae. Oo-indi-eda chito ndalama dedo afwanya liye vogulela vyongo vyofuneya vya banja lae. Koma vathawila, liye ookaana yolinga vo-inda chito inela. Afuna agule tabuleti na yolinga yoi awandenga ona vyongo va JW Library®. Hulda oiziwa ira mavidiyo na vyongo vimo-i vyofwanyeya va JW Library® vinokoza mukami-a mu utumiki koma teto ira alivwechechenga Baibulo.
Wa mwedi na hafu, Hulda oo-inda chito maola ambin’li mamawa uliwetene ndipo oophwanya mabwe ozaala galimoto ing’onong’ono. Vanduliviwa oofwanya ndalama dokwakwanela gula tabuleti.
Hulda na tabuleti yae
Hulda aongile ira, “Ngakale ira ndoogoma koma teto ndookuma matuusa m’mandani, ululu wetene woomala ndingaambeelile indi-eda chito tabuletila. Yoondikami-a ira ndilaleelenga mo-inda murima koma teto ndikozeelenga misonkano mo-orucha.” Liye oowonga teto ira tabuletiyo yoomukami-a umaambeelelo wa mulili wa COVID-19 chifukwa vyongo vinjinji upingo kavyaireya vamaso na vamaso. Ninosangalala limo-i na Hulda chifukwa yoi ookwakwaneli-eda yolingae.