Vilela Vyongo Vyookaana Chilungamo

Welengani Genesesi 37:23-28; 39:17–23 ira muone vyongo vyookaana chilungamo vyevyo Yosefe avilele liye.

Ganizelani khani yetene. Chifukwa n’ni Yosefe apangeliwe vyongo vyookaana chilungamo? (Gen. 37:3-11; 39:1, 6-10) Kodi Yosefe avilele wa thawi yolapa moi avi? (Gen. 37:2; 41:46) Kodi vathawiyo pivyongo viivi vyevyo Yehova amupangele liye Yosefe, nanga pivyongo viivi vyevyo kamupangele? — Gen. 39:2, 21; w23.01 takuru 17 ndima 13.

Fufuza modii-a. Baibulo kalinafotokoza ngati Yosefe an’na mwayi ofotokoza mbalae va vyongo vyonama vyevyo iyana wa Potifara amunamedela liye. Kodi malemba o-arelala kananitandize avi iziwa chifukwa ineyo mwina yapangi-ile ira Yosefe kasomedevo? Nanga kananitandize avi iziwa chifukwa iwa kaninafuneya embekezela ira makundo etene kafotokoziwe? (Miya. 20:2; Yoh. 21:25; Vyo. 21:37) Kodi mbamakalelo aavi anayo kamutandizile Yosefe ira avilele vyongo vyookaana chilungamo? — Mik. 7:7; Luka 14:11; Yak. 1:2, 3.

Onani vyevyo munafunjedavo nyo. Vifukeni ira:

• ‘Kodi ndinapangeliwe vyongo vyookaana chilungamo viivi chifukwa yokala o-arela wa Yesu?’ — Luka 21:12, 16, 17; Aheb. 10:33, 34.

• ‘Kodi ndinakozeele avi ira ndize ndivilele vyongo vyookaana chilungamo?’ — Sal. 62:7, 8; 105:17-19; w19.07-CN takuru 2-7.