Kodi Mukaana Iroromelo?

Ira nimusangalasenga Yehova, ninafuneya kala na iroromelo. Komave Baibulo linaonga ira “kai athu etene anayo kaana iroromelo.” (2 Ates. 3:2) Voonga mawu anala, mtumwi Paulo aonga vya ‘athu otakala vinjinji’’anayo kamuzuzumi-a ndipo oofuna vulumuchiwa m’mandani mwiwa. Koma vyevyo aongile liye va khani ya iroromelo vinokuza teto athu amo-iwa. Athu amo-i katinafuna somedela umboni oyi ukala Mlengi. (Arom. 1:20) Koma athu amo-iwa kanaonga ira kanororomela yongo imo-iwene kapena muthu m’mo-iwene wakopolo vinjinji. Koma iroromelo inela kai ineyo inafuneya ira muthu amusangalasenga Yehova.

Ninafuneya roromela ira Yehova ukalawo koma teto ira “unopeleka mphoto” wa athu anayo kan’na iroromelo yolimba. (Aheb. 11:6) Iroromelo chiikalelo ineyo muthu unakaana liye motandiziwa na zimu owela. Eno pempela wa Yehova, unokoza mutandiza muthu ira awachele zimu unola. (Luka 11:9, 10, 13) Ndila imo-iwa teto ilukulu ineyo muthu unawachelele liye zimu owela ku welenga Mawu a Mulungu anayo kalembiwe mosogoleliwa na zimu unola. Vanduli viwa niganizelenga vyevyo niwelengile iyo novi-indi-edanga chito vyevyo nifunjedilevo iyo. Napanganga vyevi, zimu wa Yehova unoza unitandize va moywi-u ndipo ninoza nikale na iroromelo ineyo inamusangalasa.