Mufwanyenga Malo Apama Ofunjedela

Kodi munofuna mupindulanga vinjinji mwafunjedanga vaekinyu? Munokoza arela makundo ala:

• Musakulenga malo apama. Ngati pivyowandeya mufwanyenga malo olongosowa koma teto vevo vanawala pama. Munokoza indi-eda chito tebulo kapena munokoza fwanya malo apama valivetene vande.

• Mukalenga vaekinyu mwafunjedanga. Yesu oosakula dowa pempela “mamawa vinjinji” koma teto “umalo ookala athu.” (Maliko 1:35) Akala kai vyowandeya kala vaekinyu mwafunjedanga, munokoza awandela athu a m’banja linyu kapena athu anayo munakalana nyo thawi ineyo munafunjeda nyo, nowavepa ira katiusokonezeni.

• Mu-elenga maganizwinyu va vyongo vyevyo munafunjeda nyo. Mupewenga vyongo vyevyo vinakoze usokonezani. Akala muna-indi-eda chito foni kapena tabuleti vofunjeda, muichelenga na yolinga yoi kiusokonezeni. Mwaganizelanga vyongo vimo-i vyoi mupange, mulembenga mwachidule vamo-i viwa vene ira muze muvipange thawi imo-i. Akala munaona ira maganizwinyu kowambeela endaenda munokoza vuma, endaenda vang’ono kapena viongolaongola.