Vyevyo Vinaukami-eni Ira Muumbuwelenga Malemba

Kodi thawi dimo-i vinouruchani umbuwela lemba lelo munaliomeluwana nyo? Linokoza kala lemba lelo linaulimbikisani, linoukami-ani pewa maganizo olakweya kapena teto lelo munafuna nyo mufotokozela fwinyu. (Sal. 119:11, 111) Tiyemoni nione vimo-i vyevyo vinaukami-eni ira muumbuwelenga malemba .

• Mu-indi-edenga chito matagi amu JW Library^®. Munokoza panga matagi nolemba ira “Malemba anayo ndinaomeluwana miyo,” teto musungenga malemba anayo munafuna nyo ira muwaumbuwelenga.

• Musungenga malemba va malo anayo munawandenga nyo awona. Mulembenga va pepala vesi lelo munafuna nyo moi muli-elenga va malo anayo munawandenga nyo liona mo-orucha. Amo-i kano-ela va galasi kapena va felemu, koma amo-iwa kanojambula lembalo no-ela ngati ithuzi ira lioneenga kakari-anga foni kapena kompiyutiwa.

• Mu-indi-edenga chito makaadi. Mulembenga vesilo mbali imo-i nolemba mawiwa useliuwa. Vanduli viwa mushishenga ona lembalo noromola mawiwa kapena ona mawayo noromola lembaliwa.