Mu-arelenga Ndandandinyu Yowelenga Baibulo Dambo Lililetene

Kodi vinouruchani arela ndandandinyu yowelenga Baibulo dambo lililetene, chifukwa yoi munokala otanganisiwa? (Yos. 1:8) Akala chi eno, shishani panga imo-i mwa vyongo vyo-arelavi:

• Muchelenga alamu. Munokoza chela alamu vafoninyu, kapena vaipangizo yamakono iliyetene ira iuumbuchengani welenga Baibulo.

• Mu-iyenga Baibulo linyu vamalo ooneela. Akala muna-indi-eda chito Baibulo lavamanda, muli-iyenga vamalo oyi munerenga kwakwani-a liona dambo lililetene.— Doto. 11:18.

• Muvuruwanenga Baibulo loira djambula. Munokoza vuruwananga vathawi ineyo muna-inda nyo chito dinyu da dambo na dambo. Tara unoyo ngu mpainiya koma teto unoyo una a-ima moi una-inda chito ma-iyu, aongile ira: “Vuruwana Baibulo loira djambuliwa wu ndi-indanga chito davande, unondikami-a ira ndi-arelenga ndandandanga yowelenga Baibulo dambo na dambo.”

• Kamugwenga ulesi. Akala vaireile vyongo vya mwazizizi, moi mulepela welenga Baibulo vathawi ineyo munawelenga nyo, muwelengengave mavesi oyeva, mwaanadowe ogonati. Munokoza pindula ngakale mwangakede welenga mavesi oyeva oka vadambo. — 1 Pe. 2:2.