Yehova Oomuwandela Yeremiya Ira Alaleelenga

Yehova oomuwandela Yeremiya ira alaleelenga wa Ayuda. Oomuwandela ira aachenjezenga ira ka-iye panga vyongo vyotakala. Koma Yeremiya oosomeda ira: ‘Yehova, miyo ndili mwana. Kandinawande laleela wa athu anala.’ Eno Yehova oomuwandela ira: ‘Kuove. Ndinou- wandela vyetene vyoi waongenga teto ndinoukami-a.’

Yehova oomuwandela Yeremiya ira sonkani-a andimuwa andimuwa etene, vanduli viwa uthwe botolo lateya aluwa kaonanga teto uwawandele ira: ‘Yelusalemu unaza aonongiwe eni.’ Yeremiya angapangile vyevi, andimuwa andimuwayo koolunduwa vinjinji. Wasembe m’mo-iwa zina lae Pasuri oomuvaza Yeremiya vanduli viwa oomu-ela m’matangaza. Yeremiya ookala mwemo ma-iyu wetene moi kaanda enda. Mamawa wangachile Pasuri oomumasula Yeremiya m’matangazamo moi Yeremiya oonga ira: ‘Vyevi kanadipangelathuvi vindikwakwana ba-i kandinaza ndilaleela teto nawili.’ Koma kodi Yeremiya oo-iya laleela? Naari. Angaiganizele pama khanila oonga ira: ‘Uthenga wa Yehova uli ngati mulo m’murimani mwanga moi kandina-iye laleela.’ Eno Yeremiya oopitilizave achenjeza athwayo.

Vangavirile chaka dinjinji, Zedekiya ookala mwene wa Yuda. Koma asembe na anamaongela onama kooidana na Yeremiya chifukwa ya uthenga unoyo alaleela liye. Aluwa koowawandela akalonga ira: ‘Muthu unola unafuneya phiwa.’ Koma Yeremiya oonga ira: ‘Mwandipha, munakala ira muphile muthu oolakwa. Miyo ndinaawandela athu mawu a Yehova ookala aanga.’ Akalongayo kangavwile vyevi koonga ira: ‘Muthu unola kanafuneya phiwa.’

Yeremiya oopitiliza laleela moi naaliwene teto akalongayo koolunduwa vinjinji. Eno koomuvepa mwene ira Yeremiya aphiwe. Zedekiya oowawandela ira kanokoza mupangana Yeremiya iliyetene ineyo kanafuneathu. Eno aluwa koomuvokeda Yeremiya muisime yodii-a koma teto yamadogo ira akhwele mwemo. Yeremiya oowambeela bwina m’madogomo.

Vanduli viwa nduna imo-iwa ya mwene zina lae Ebedi-meleki oodowa muwandela mwene ira: ‘Akalongale koomuvokeda Yeremiya muisime. Namu-iya mwemo unokoza khwa.’ Zedekiya oomuwandela Ebedi-meleki ira alande athu 30 teto kadowe kamukumi-emo. Iyo vano teto nisazi- edenga isazo ya Yeremiya moi kanilolenga ira iliyetene inilepeli-e laleela.