MURU 29

Chin’ni Inamuireela Muthu Wokhwa?

Yodindiwa

Kodi muwambeela khweliwavo? Athu amo-iwa kakhweliwa kanovifuka ira: ‘Chin’ni inamuireela muthu wokhwa? Kodi pivyowandeya za onana akoka na athu anayo naawomeliwana iyo anayo kakhwile?’ M’muru unola koma teto o-arela, ninofwanya vyosomeda vya m’Baibulo vya vyofuka vyevi.

1. Chin’ni inamuireela muthu wokhwa?

Yesu oofwanafwani-a khwa na kove dokhwana. Kodi khwa unafwanafwana avi na kove? Muthu unoyo ugonile kove dokhwana, kanaiziwa iliyetene ineyo inaireya. Muthu akhwa kanavwa voreya uliwetene koma teto kanazuzuma mu ndila iliyetene. Baibulo linawonga ira “okhwa katinaiziwa iliyetene.” — Welengani Namalaleya 9:5.

2. Kodi iziwa vyoona viwa vyokuza vyevyo vinaireya muthu akhwa kokami-a moi avi?

Athu anjinji kanoova khwa koma teto athu anayo kakhwile. Koma mwafunjeda vyevyo Baibulo linawongaathu vyokuza khwa munolimbi-iwa vinjinji. Yesu eere: “Imbarimbari inoza iumasuleni.” (Yohani 8:32) Vipembezo vimo-i vinafunji-a ira viikala yongo imo-iwene ineyo inakaanave moyo muthu akhwa. Koma Baibulo kalinafunji-a vyevi. Eeno muthu akhwa kanazuzuma kapena vwa voreya. Koma teto athu okhwa katinaniporeche chifukwa katinaiziwa yongo iliyetene. Eeno kaninafuneela panga iliyetene yotonyi-eda ira ninolambela kapena lemekeza okhwa voova ira kanoniporecha.

Athu amo-iwa kanawonga ira kanowanda wongi-ana na athu anayo kakhwile. Koma vyevi kavinawandeye. Monga nifunjedile iyo, athu anayo kakhwile katinaiziwa iliyetene. Anayo kanaganiza ira kanawongi-ana na abaliwa anayo kakhwile, kanakala ira kanawongi-ana na viwanda vyevyo vinavifwanafwani-a na muthu akhwileyo. Eeno iziwa vyoona vyokuza vyevyo vinaireya muthu akhwa, unonititi-eda ira kanivuti-iwenge na viwanda. Yehova unonienjeli-a ira kanishishede wongi-ana na athu anayo kakhwile, chifukwa unoiziwa ira wongi-ana na viwanda unonizi-eda mavuto alukulu. — Welengani Dotoronomo 18:10-12.

FUNJEDANI VYOWENJEDELEYA

Iziwani vinjinji vyokuza vyevyo Baibulo linawongaathu vakhani ya vyevyo vinaireya muthu akhwa. Vyevi vinoukami-edani ira muroromelenga vinjinji Mulungu wachikondi unoyo aanazuzumi-a athu anayo kakhwile.

Mulombwana angagaratile vapando kangali vamwambo wamalilo na a-imaye ambili ang’onong’ono kangali achisoni, chifukwa ya ukhwa wa m’miwa. Afwaye kagumanelanga ira kamumiyali-e nomuva-a likami-edo.

3. Chin’ni inamuireela muthu okhwa?

Vailambo yetene yavati, athu kanororomela vyongo vyo-iyana-iyana vakhani ya vyevyo vinamuireela muthu wokhwa. Koma vinjinji mwa vyevyo vinaroromelaathu kai vyoona.

Kodi athu anjinji amudela linyu kanaroromela vyoi avi vyokuza vyevyo vinamuireela muthu wokhwa?

Ira muiziwe vyevyo Baibulo linafunji-aathu, onalani VIDIYO.

VIDIYO: Kodi Inaireya Chin’ni Muthu Akhwa? — Mbali Yoyeva (1:19)

Vithuzithuzi: Vyongo vya muvidiyo yoi ‘N’nga Inaireya Chin’ni Muthu Akhwa? — Mbali Yoyeva .’ 1. Muthu angali vabedi la malilo la uchipatala. 2. Mulombwana m’mo-iwa angagaratile vaari va athu ambili agonanga musitima.

Welengani Namalaleya 3:20, era eeno tapanyani vyofuka vyo-arelavi:

Mogwilizana na lembali, chin’ni inamuireela muthu wokhwa?
Kodi vuukala yongo imo-iwa ineyo inakaanave moyo muthu akhwa?

Baibulo linoniwandela vyokuza khwa wa Lazaro, unoyo ali fwaye wavamurima wa Yesu. Mwawelenganga Yohani 11:11-41, onani vyevyo Yesu awongile liye vyokuza vyevyo vyamuireele Lazaro angakhwile. Era eeno tapanyani vyofukha vyo-arelavi:

Kodi Yesu afwanafwani-ile khwa na n’ni?
Kodi vyevyo Yesu awongile liye, vinanikami-ede avi iziwa vyevyo vinaireya muthu akhwa?
Kodi nyo munaona ira vyevyo Baibulo linawongaathu vakhanila pivyovweya?

4. Iziwa vyoona vyokuza vyevyo vinamuireela muthu wokhwa kokami-a

Naiziwa vyoona viwa vyokuza khwa, kaninaova athu anayo kakhwile. Welengani Namalaleya 9:10, era eeno tapanyani yofuka yo-arelela:

Kodi athu anayo kakhwile kanowanda niirela vyongo vimo-iviwa vyoopi-a?

Iziwa vyoona vyokuza vyevyo Baibulo linafunji-aathu vakhani yokuza khwa, unokoza nikami-a ira kaniroromelenga yonama yoi athu anayo kakhwile, kanofuna lambeliwa, alemekeza kapena airela vyongo vimo-iviwa ira katinivoreye. Welengani Yesaya 8:19 na Chivumbuluso 4:11, era eeno tapanyani yofuka yo-arelela:

Kodi munaganiza ira Yehova unavwa avi aona muthu alambelanga kapena vepa likami-edo wa muthu unoyo akhwile?

Ithuzithuzi: Miyambo doireya voveelela ulemu wa athu okhwa. 1. Mulombwana angakokorile vachiliza apelekanga yodja. 2. Alombwana araru kainanga . 3. Gulu la athu langawarile maskara kangatukulile vyongo m’mandani. — Iziwa vyoona vyokuza vyevyo vinaireya muthu akhwa unonikami-a ira kaniirengana miyambo doi Yehova kanawomeliwana

5. Iziwa vyoona vyokuza khwa unonimiyali-a

Athu anjinji kanafunji-iwa ira kakhwa kanoza kalangiwe chifukwa ya vyongo vyotakala vyevyo kairaathu kangan’na moyo. Koma pivyolimbi-a iziwa ira kalivo unazuzumi-iwa akhwa, ngakale muthu unoyo aira vyongo vyotakala vinjinji. Welengani Aroma 6:7, era eeno tapanyani yofuka yo-arelela:

Monga mwemo niwelengile iyo m’Baibulo, muthu unoyo ukhwile unakala ira umasuwa wu uchimo, ndiye nyo munaganiza ira athu anayo kakhwile kanozuzuma chifukwa ya vyotakala vyevyo kairileathu kangan’na moyo?

Namuiziwa pama Yehova, pavevo ninazindikila iyo ira Mulungu kanazuzumi-a athu anayo kakhwile. Welengani Dotoronomo 32:4 na 1 Yohani 4:8, era eeno tapanyani vyofuka vyo-arelavi:

Kodi munaganiza ira Mulungu unoyo un’na makalelo anayo niwelengile iyo m’mavesala, unokoza sangalala azuzumi-a athu anayo kakhwile?
Kodi munaona ira iziwa vyoona vyokuza athu anayo kakhwile komiyali-a? Chifukwa n’ni munawonga eeno?

ATHU AMO-IWA KANAONGA IRA: “Ndinaona ira ndaza ndikhwa ndinoza ndilangiwe.”