MURU 54

Kodi “Kapolo Ororomeleya Nawazelu” Mbaani, Nanga Unaira Vyoi Avi?

Yodindiwa

Yesu ngu muru wampingo Waikiristu. (Aifeso 5:23) Voi Yesu uli udimu, malambwano unosogolela o-arelaye vailambo yavatila, vo-indi-eda chito “kapolo ororomeleya nawazelu.” (Welengani Mateyu 24:45.) Yesu Kiristu ngunoyo asakulile ‘kapolola’ moi oomuva-a vyoiira mu mpingo Waikiristu. Komave kapolola unafuneela vwela Kiristu, teto unotumikela abali Aikiristu. Kodi kapolola mbaani? Nanga unanisamalela avi?

1. Kodi “kapolo ororomeleya nawazelu” mbaani?

Yehova ukala a-indi-edanga chito muthu kapena gulu la athu vopeleka malangizo wa athwaye. (Malaki 2:7; Aheberi 1:1) Yesu angapiwe, anamarumiwa koma teto andimuwa awu Yerusalemu, mbanayo kasogolela pingo Waikiristu. (Vyoira 15:2) Mofwanafwana na vyevi malambwano Bungwe Lolamulela la Mboni da Yehova, lelo lili gulu ling’onog’onogo la andimuwa, linopeleka yodja yauzimu koma teto sogolela va chito yolaleela. Gulu ling’onong’onoli, ngu “kapolo ororomeleya nawazelu unoyo [Yesu] amu-elile liye” ira airenga vyevi. (Mateyu 24:45a) Abali etene a m’Bungwe Lolamulela mba Akiristu o-ambi-iwa na zimu owela moi kanoyembekezela ira kaza kakhwa kanoza kadowe udimu dowa lamulela limo-i na Kiristu.

2. Kodi chi yodja yauzimu iivi ineyo kapolo ororomeleya unapeleka liye?

Yesu aongile ira kapolo ororomeleya unoza apelekenga “yodja [wa Akiristu afwiwa] vathawi yofwaneelela.” (Mateyu 24:45b) Mofwanafwana na yodja ineyo inanikami-a ira nikale akopolo koma teto atanzi. Yodja yauzimwila ineyo ili malangizo okumela m’mawu a Mulungu inoniva-a kopolo ira nidowenave kala ororomeleya wa Yehova, koma teto ira ni-indenga chito ineyo Yesu aniva-ile liye. (1 Timoteyu 4:6) Ninowachela yodja yauzimwila zela mu misonkano dapingo, misonkano da dela, koma teto misonkano dachigawo. Ninowachela teto malangizo zela m’mabuku oonga vya m’Baibulo koma teto mavidiyo anayo kananikami-a ira niirenga vyevyo Mulungu unafuna liye na yolinga yoi nilimbi-e usamwali-u na liye.

FUNJENDANI VYOWENJEDELEYA

Onani chifukwa iwa ninafuneela “kapolo ororomeleya nawazelu” unoyo uli Bungwe Lolamulela.

Vithuzithuzi: A Mboni da Yehova vailambo yetene kanowachela koma teto arela malanizo anayo Bungwe Lolamulela linapelekaathu. 1. Banja linaonela porogaramu ya JW Broadcasting. 2. A Mboni okeda vipeleka kanalongeza mugalimoto katundu odowa kami-a abaliwa. 3. A Mboni ambili kanalaleela vo-indi-eda chito selefu. 4. Ndimuwa unawelenga kalata vasonkano wapingo. — Bungwe Lolamulela linopeleka yodja yauzimu, malangizo koma teto linokami-a a Mboni da Yehova anayo kanagumana na mavuto vailambo yetene

3. Athu a Yehova kanafuneela ira vyongo mwadongosolo

Mosogoleliwa na Yesu, Bungwe Lolamulela linosogolela chito ya Mboni da Yehova ira iyendenga mwadongosolo. Yesu oosogolela teto Akiristu a muthawi ya anamarumiwa mundila yofwanafwana na inela. Onelani VIDIYO.

VIDIYO: Yehova Unopangi-a Gulu Lae Kala la Dongosolo (6:18)

Welengani 1 Akorinto 14:33, 40, era eeno tapanyani yofuka yo-arelela:

Kodi mavesala kanatonyi-eda avi ira Yehova unafuna ira atumikaye kairenga vyongo mwadongosolo?

4. Kapolo ororomeleya unosogolela chito yolaleela

Chito yolaleela yali yofuneya vinjinji wa Akiristu amuthawi ya anamarumiwa. Welengani Vyoira 8:14, 25, era eeno tapanyani vyofuka vyo-arelavi:

Kodi mbaani asogolela chito yolaleela muthawi ya anamarumiwa?
Kodi Petulo na Yohani kairile n’ni kangava-iwe malangizo na anamarumiwa afwiwa?

Chito yofuneya vinjinji ineyo Bungwe Lolamulela linasogolelaathu cholaleela. Onelani VIDIYO.

VIDIYO: Ninoona ira chito yolaleela chofuneya vinjinji (1:24)

Yesu awongile ira chito yolaleela chofuneya vinjinji. Welengani Maliko 13:10, era eeno tapanyani vyofuka vyo-arelavi:

Chifukwa n’ni Bungwe Lolamulela linaona ira chito yolaleela chofuneya vinjinji?
Chifukwa n’ni ninafuneela “kapolo ororomeleya nawazelu” ira ni-indenga chito yolaleela ineyo inaireya vailambo yetene?

5. Kapolo ororomeleya unopeleka malangizo

Abali a m’Bungwe Lolamulela kanopeleka malangizo wa Akiristu vailambo yetene. Kodi kanaiziwa avi malangizo anayo kanafuneela pelekiwa? Onani mwemwo Bungwe Lolamulela la muthawi ya anamurumiwa lairelaathu vyevi. Welengani Vyoira 15:1, 2, era eeno tapanyani vyofuka vyo-arelavi:

Kodi Akiristu a muthawi ya anamarumiwa vyoowarucha gwilizana vakhani diivi?
Kodi Paulo, Baranaba na athu amo-iwa kadowile wambaani ira kaava-e malangizo omali-ela khaniyo?

Welengani Vyoira 15:12-18, 23-29, era eeno tapanyani yofuka yo-arelela:

Laanasakule vyoira kodi Bungwe Lolamulela la muthawi ya anamarumiwa lairile n’ni ira liiziwe maganizo a Mulungu vakhaniyo? — Onani mavesi 12, 15, na 28.

Welengani Vyoira 15:30, 31 na 16:4, 5, era eeno tapanyani vyofuka vyo-arelavi:

Kodi Akiristu amuthawi ya anamarumiwa kairile n’ni kangawachen’le malangizo okumela wu Bungwe Lolamulela?
Kodi Yehova aadalisile avi chifukwa yovwela malangizwala?

Welengani 2 Timoteyu 3:16 na Yakobo 1:5, era eeno tapanyani yofuka yo-arelela:

Kodi Bungwe Lolamulela la malambwano linaira avi ira lifwanye malangizo lafuna sakula vyoira?

ATHU AMO-IWA KANAONGA IRA: “Mwavwelanga Bungwe Lolamulela, munakala ira muna-arela maganizo a athu.”

Kodi chin’ni inausimikizelani ira Yesu ngunoyo unasogolela Bungwe Lolamulela?

VYEVYO NIFUJEDILE IYO

Bungwe Lolamulela ngu “kapolo ororomeleya nawazelu” unoyo a-eliwe na Kiristu. Kapolola unopeleka malangizo koma teto yodja yauzimu wa Akiristu vailambo yetene.