VYAUMAPETO C
Mwemo Munafunji-ele Nyo Vo-indi-eda Chito Buku Loi Sangalalani na Moyo Mpakana Walewale!
Abali koopempela vinjinji koma teto saela modii-a ira kakumi-e buku loi Sangalalani na Moyo Mpakana Walewale. Ira muwande li-indi-eda chito pama, eselani arela ndila do-areladi.
Mwaanadowe Uphuzilo
1. Kozeelani mokwakwanela. Vopanga vyevi, ganizelani teto vyevyo ofunjedoyo unafuneya liye, mwemo vyongo vililiathu vamoywae koma teto vyevyo unaroromela liye. Ganizelani makundo anayo unavuteye liye avwechecha na mwemo munamutandizelenyo. Onani mwemo makundo ava mbali yoi “Vimo-i,” kanamutandizeleathu. Ndipo mukalenga okozeya a-indi-eda chito vaphuzilolo.
Vopangi-a phuzilo
2. Ambeelani koma teto mari-ani na pempelo ngati ofunjedoyo usomedele.
3. Esaesani ira kamuongengavo vinjinji. Mukambiranenga makundo anayo kali va phuzilolo ndipo mumuva-enga mpata ofotokozavo maganizwae.
4. Mwaambeelanga chigawo isha, welengani mawu ofotokozela ndipo romolani maphuzilo amo-i anayo kali muchigawo ineyo.
5. Vomari-a chigawo iliyetene, mu-indi-edenga chito makundo oweli-eda ira mumutandize ofunjedoyo umbuwela vyevyo ufunjedile liye.
6. Vokambirana phuzilo lililetene na ofunjedinyu:
Muwelengenga ndima.
Muwelengenga malemba etene anayo kalembiwe ira “Welengani.”
Muwelengenga teto malemba etene anayo kali mundimado ngati vanafuneya panga eno.
Onelani mavidiyo etene anayo kalembiwe ira “Onelani” (ngati mun’na).
Indi-edani chito mafuso etene.
Mumuwandelenga ofunjeda ira apangenga chidwi na vithuzi vya mugawo loi “Funjedani Vyoenjedeleya” nomuvepa ira apelekengavo ndemanga.
Mu-indi-edenga chito bokosi loi “Vyolinga” ira ofunjedinyu aonenga mwemo munadowela liye vasogolo. Munokoza mulimbikisa kwakwaneli-eda yolinga ineyo uva-iwe liye kapena vi-elela yolinga imo-i kapena teto kaana vyolinga vyetene vin’li.
Mufukeni ngati vali khani kapena vidiyo iliyetene vachigawo yoi “Vimo-i” ineyo imusangalasile vevo akozeela liye phuzilolo.
Esaesani mari-a phuzilo letene va ulendo umo-i.
Vanduli va phuzilo
7. Pitilizani ganizela ofunjedinyu. Vepani Yehova ira adalise ofunjedinyu chifukwa ya tindi lae koma teto ira auva-eni zelu dotandizela ofunjedoyo.