Mawu wa Osonkana

ACHITO OKEDA VIPELEKA Ngati munafuna tandizana chito dimo-i vasonkanola, dowani Udipatimenti Yotandiza Achito Okeda Vipeleka.

DIPATIMENTI YOTANDIZA VAIREYA NGOZI Umbuwelani ira dipatimenti inela inatandiza va vyoireya vyamwazizizi vyoka.

MALO OGARATI Yesaesani ganizela amo-i. Umbuwelani ira athu anayo munafuneya nyo asungela malo mba athu a m’banja linyu, anayo kazile na nyo va galimoto imo-i, kapena anayo munafunjedana nyo Baibulo. Kamu-ele vyongo vamalo ogarati, iyavo ngati mumusungele muthu m’mo-iwa malwayo.

OWACHELA ALENDO Anayo kanawachela alendo chitwiwa kuutandizani. Eno, ninauvepani ira mu-arele malangizo anayo kanauva-eniathu okuza malo ofwanelela imechavo magalimoto na njinga, ndila dofwanelela endamo vovolowa koma teto vokuma vamalo asonkanwala, sunga malo koma teto vyongo vimo-i.

UBATIZO Athu anayo kakozeele batiziwa kaze kagarati m’mipando dausogolo. Ngati vali malangizo amo-i o-iyana na anala, kanoza kalengeziwe. Athwala kanafuneya za garati m’mipandodi, Looluka mamawa khani ya ubatizo yanaambeele. Uliwetene unafuneya zana yovipukutela na vyowara vyofwanelela ira aze aware abatiziwanga.

VYODIMEELA NA VYOFWANYEYA Mwadoda yongo iliyetene, mwaipeleke Udipatimenti ya Vyodimeela na Vyofwanyeya ndipo ngati mudimeeli-ile yongo iliyetene, mudowe mwafuke udipatimenti inela. Mwamufwanya mwana unoyo udimeelile, mudowe mwamu-iye udipatimenti inela. Komave ira kamukale na nkhawa chifukwa yoi a-iminyu kanodimeela, asamaleleni ndipo thawi detene mukalenga na aliwa malo amo-ive.

VYOPELEKA Vanofuneya ndalama dinjinji ira nikale na malo apama opangelavo sonkano, vyokuzela mawu, vipangizo vyooni-ela mavidiyo koma teto vyongo vimo-i vyotandiza ira sonkanola ukale osangalasa koma teto ira unitandize limbi-a usamwali-u na Yehova. Ndalama dedo munapeleke nyo mwaufulu vasonkanola vinotandiza livela vyongo vyevi koma teto vinotandiza vachito ya vailambo yetene. Mabokosi olembiwa pama anayo munavochedemo nyo vyopeleka vinyu, koo-eliwa m’malo o-iyana-iyana vasonkanola. Komave ngati pivyowandeya munokoza peleka ndalama dinyu zela va intaneti vodowa va donate.jw.org. Ninoyamikela vinjinji vyopeleka vinyu, ndipo Bungwe Lolamulela linoyamikela chifukwa yotandiza na murima wetene vachito da Umwene.