Kodi Nyo Muli Okozeya Gumanana Masoka Amuvyopanduchiwa?

Vevo magomelo a ilambwela kanandamelaathu, nidedi-edenge ira masoka n’nga kondo, uwalanga, na vyongo vimo-i vyotakala vinerenge enjedeleya. (Chiv 6:4) Kodi ninakonzeele avi nyarwa dedi vathawila?

• Mukozeelenge mwauzimu: Saelani makundo na myasa da m’Baibulo dedo dinaulimbi-eni ira muroromelenge vinjinji Yehova na gulu laye, koma teto ira mwa-akale mbali ya ilambwela. (Miy 12:5; jr-CN takuru 125-126 ndima 23-24) Ila chi thawi yoi nikale vausamwali wolimba na abali koma teto arongola mu pingo.—1Pe 4:7, 8

• Mukozeelenge mwauthuthu: Panganani malo o-orucha gumanela vaireya ngozi, koma teto malo osungelavo vyongo. Wenjedela vevo iziwani mwemo munatawele nyo. Onechechani vyongo vyevyo munafuna nyo ela muchikwama mwinyu, koma teto vyongo vyovititi-edana, tangani-avo ndalama. Iziwani mwemo munairele nyo ira muwongi-anenge na adimuwa, koma teto muonecheche ira vikala ndila doi aliwa kanerenge ongi-ana na nyovo.—Yes 32:2; g17.5-CN takuru 3-7

• Waireyanga vipolowe: Muonechechenga ira munodowanave irana vyongo vyevyo mwairecha nyo volambela Yehova n’nga vepela, funjeda vaekinyu, koma teto fwanyeya vamigumano. (Afil 1:10) Rambelani dowa wu na wu vamo-i chinja chinja malo iyavo akala munootama. (Mt 10:16) Gaanani vyodja koma teto vyongo vimo-i naafwinyu.—Arom 12:13

ONELANI VIDIYO YOI  ZIMENE TINGACHITE POKONZERA MASOKA A CHILENGEDWE ERA EENO SOMEDANI VYOFUKA VYO-ARELAVI:

• Kodi Yehova unanikami-ede moi avi vaireya ngozi dorurumucha?

• Kodi pi vyongo vyoi avi vyevyo vinaire iyo ira nikozeele?

• N’nga ninaakami-ede avi athu amo-i anayo kakuziwe na ngozi?