“Chito Yavadela Yowambeeli-a Mapuziro a Baibulo M’mwedi wa Septembala”

M’mwedi wa Septembala, ninoza ni-inde mwatindi chito yavadela yowambeeli-a mapunziro a Baibulo wu nyumba na nyumba, vo-indi-edela chito buku loi Sangalalani na Moyo Mpakana Walewale! Ofalisa podi sakula panga upainiya wokami-a wa maola 30. Kodi ninaza ni-inda avi chito yavadelela?

• Vaulendo Owambeela: Indi-edelani chito takuru logomi-eda la bukuli ira mukope chidwi yamuthuyo, koma teto mumutonyi-ede mwemo punziro la Baibulo munairelaathu. Athu amo-iwa anayo ninafuneela iyo o-owandiwaala, mbanayo katonyi-edilevo chidwi mundulimu, koma teto maulendo oweli-eda. Masiki ira vathawiyo kokoonda funjeda, vano podi ira chidwi na bukuli koma teto ndila disha dina-indi-edela iyo chito vofunjeda. Kamu-iye bukuli vande vevo va-ali athu, kapena tumizela limo-i na makalata waathu anayo ka-atonyi-edilevo chidwi mundulimu. Komiti ya Utumiki ya Pingo, podi koza misonkano dowenjedela dokozeela dowa wolaleela m’mwedi onola.

• Ndila Dimo-i: Akala pingwinyu una-indi-edela chito mashelefu a mateyala, mu-elevo mabuku n’nga oyi Sangalalani na Moyo Mpakana Walewale! Asambauleleni athu anayo katonyi-edilevo chidwi ira iyo podi funjedangana Baibulo naaliwa vo-indi-edela chito bukuli. Podi atonyi-eda mogwadela mwemo punziro la Baibulo munairelangaathu, vamo-i podi gwilizana ira nize niatonyi-ede thawi imo-i. Woing’anela utumiki podi koza vyoi ofalisa ofwaneelela kadowe kalaleele wu dela la amalonda lelo lili mu gawo liwa. Podi ambeeli-a mapunziro a Baibulo waathu anayo muna-indana nyo chito limo-i kapena athu anayo munagumanana nyo volaleela mwamwayi.

Yesu “oonilamula ira” “nifunji-e athu.” (Mt 28:19, 20) Ninororomela ira chito yavadelela inonikami-a kwakwaneli-eda yolingi-uwila vo-indi-eda chito buku loi Sangalalani na Moyo Mpakana Walewale!