Mwemo Munakami-ele Iyo Vaireya Ngozi Dorurumucha

Ngozi damuchilengedwe dinoireyaireya malambwano. Ngozidi daireya, chito yokami-eda athu inafuneela ira iireye mwadongosolo koma teto mogwilizana. Vachifukwa enela, Bungwe Lolamulela lookoza ira va ofesi yatambi iliyetene vikale Dipatimenti Yokami-a Vaireya Ngozi Dorurumucha.

Abali amudipatimenti enela kaiziwa ira viireya ngozi, mombaranya aluwa kanolumikizana na adimuwa a mu delalo ira kaiziwe likami-edo lelo ofalisa kanafuneelaathu. Akala vyongo vionongeile vinjinji moi ofalisa katinakwakwani-e koza vaekiwa, ofesi yatambi inovepa abali ofwaneelela ira kasogolele chito yopeleka likami-edo. Abalala kanokoza vepa ofalisa okeda vipeleka ira kakami-e vachitoyo kapena kanokoza vepa abali na arongola ira kapeleke vyongo vyevyo vinafuneela. Thawi dimo-i, kanokoza gula wu dela liwa lelo vyongo vyevyo vinafuneelavyo novipeleka wa anayo kanafuneela likami-edwayo.

Irana vyongo mundila enela kokami-a vinjinji. Unokami-a ira athu kati-indenga chito imo-ive eneyo, ira kavikale chisokonezo koma teto ira kavionongeye ndalama na vyongo vyoofuneela vyevyo vinokoza ireya akala uliwetene angapelekile likami-edo vaeka.

Abali anayo kasakuliwe na ofesi yatambi kanokoza ona injiva wa ndalama dedo dinafuneye koma teto injiva wa athu okeda vipeleka oyi kakami-e vachitoyo. Kanokoza onga teto na adimuwa adimuwa a boma amudelalo anayo thawi dinjinji kanakami-a ira chitwi-u yopeleka likami-edo iyendenga pama. Ndiye ninauvepani ira, vaekinyu kamuselenga ndalama, tumiza likami-edo kapena dowa wudela lelo likuziwe, iyavo akala mwere vepiwa ira mupange vyevyo.

Komave, vaireya ngozi yorurumucha ninofuna kami-a. (Aheb 13:16) Ninowaomeluwana abali na arongoli-u. Ndiye ninaire avi? Yongo yofuneya vinjinji eneyo ninaire iyo kuwapepelela abali na arongoli-u! Anayo kakuziwe na ngozido, koma teto anayo kana-inda chito yopeleka likami-edo. Iyo ninokoza peleka ndalama teto wu chito ya vailambo yetene. Mosogoleliwa na Bungwe Lolamulela, maofesi a tambi mbanayo kali vamalo apama vinjinji moi kanowanda iziwa wewo unafuneela likami-edo. Akala ninafuna dowa kami-a wewo uireile ngozi, iyo ninokoza lemba fomu yoi Fomu ya Wofuna Kutumikira Mongodzipereka m’Dipatimenti Yoona za Mapulani ndi Zomangamanga (DC-50).

ONELANI VIDIYO YOI MADZI OSEFUKIRA OMWE ANAWONONGA KU BRAZIL, ERA EENO SOMEDANI YOFUKA YO-ARELELA:

Kodi chin’ni iuriyeleni yokuza chito yopeleka likami-edo eneyo a Mboni da Yehova ka-indileathu wu Brazil wangasefuwele ma-inje mu 2020?