Munokoza Kami-eda Ira Banja Linyu Likale Losangalala

Yehova unofuna ira mabanja kakalenga osangalala. (Sal 127:3-5; Na 9:9; 11:9) Komave, imwerumwerwi-u inokoza sokoneziwa chifukwa ya vyoireya vya muilambwela kapena vyochimwa vya athu a m’banja li-u. Kodi uliwetene m’banja unaire avi ira akami-ede banjalo kala losangalala?

Mulombwana unopeleka ulemu wa mu-iyanaye. (1Pe 3:7) Unofwanya thawi yowaleda na liye. Kanayembekezela vinjinji kwaranya vyevyo mu-iyanaye unakwakwani-e liye koma teto unotonyi-eda ira unomuyamikela chifukwa ya vyevyo unamuirela liye koma teto vyevyo unairela liye banja laye. (Akol 3:15) Unomutonyi-eda chikondi koma teto unomutamanda. — Miy 31:28, 31.

Mu-iyana unofwanya ndila dedo unamukami-ele liye mamunaye. (Miy 31:12) Unomugonjela koma teto pangela limo-i vyongo mogwilizana. (Akol 3:18) Unoonga na liye mooma murima teto unoonga vyapama vyokuza mamunaye. — Miy 31:26.

Makolo kanofwanya thawi yowaleda na a-imiwa. (Do 6:6, 7) Kanowawandela a-imiwa ira kanowaomeluwana. (Mt 3:17) Kaava-anga malangizo, kanoirana vyongo mwachikondi koma teto mozindikila. — Aife 6:4.

A-ima kanolemekeza makolwiwa koma teto kanowavwela. (Miy 23:22) Kanowafotokozela vyevyo kanaganizaathu koma teto mwemo kanavwelaathu. Kanovwela malangizo okumela wa makolwiwa teto kanowava-a ulemu. — Miy 19:20.

ONELANI VIDIYO YOI MUSANGALALENGA M’BANJA MWINYU, ERA ENO SOMEDANI YOFUKA YO-ARELELA:

Kodi uliwetene airile vyoi avi ira akami-ede banjali kala losangalala?