Mu-indi-edenga Chito Takuru Lowambeela la JW.ORG mwakala mu Utumiki

Takuru lowambeela la saiti-u, vano-eliwa khani na mavidiyo anayo kakoziwe ira kafiyenga vamurima athu anayo kai a Mboni anayo kan’na murima wapama. (Vyo 13:48) Vyongo vyevyo vina-eliwavi, thawi dinjinji dinakala khani dedo dili m’manyuzipepala kapena khani dedo athu kanaongaathu vakwikwi vakwikwi.

Kodi muna-indi-ede chito avi takuru lowambeela la va jw.org mwakala mu utumiki?

• Muvolowenga va saitila vakwikwi vakwikwi. Muonenga khani dedo di-eliwe vatakuru lowambeelali vati vamuru woi “Zina Zimene zilipo” era eno muganizelenga mwemo munavi-indi-edele nyo chito vokami-eda muthu wa chidwi. (Ira muone khani dimo-idiwa dedo di-eliwe vatakuruli, togonyani vevo kalembileathu ira “Onani Zambiri.”) Iziwa vyongo visha vyevyo vi-eliwe vasaitila, unoukami-ani kala namakundo asha anayo muna-indi-ede nyo chito mu utumiki.

• Mu-indi-edenga chito khani na mavidiyo anayo ka-eliwe vatakuru lowambeela ira muwambeele kambilana na muthu. Khani na mavidiywala vinoukami-ani iziwa mwemo athu a mugawo linyu kanaganizelaathu.

• Muwaoni-enga athu takuru lowambeelali. Mutonyi-edenga athu mwachindunji khani dedo dilivo koma teto muwakami-enga iziwa mwemo kanafwanyeleathu khani dimo-idiwa do-iyana-iyana.

• Muwatumizelenga linki. Athu amo-iwa katinafuna onga na iyo vamaso na vamaso koma kanokoza volowa va saiti-u. Eno kamuzengelezenga atumizela athu linki ineyo inaafii-e wu takuru lowambeela kapena ukhani na vidiyo ineyo i-eliwe vatakuruli.