Sanja ya Namaing'anela LAIBULALE YA VA INTERNETI

Kodi Yehova Ngoi Avi?

Sangalalani na Moyo Mpakana Walewale!—Funjeda Baibulo Mundila Yotapanya | Buku Lofunjedela Baibulo
- 3. Kodi Yehova unatonyi-eda avi ira unoniomeliwana?
  
  Likalelo lilukulu la Yehova chi chikondi. Moi Baibulo linaonga ira “Mulungu ngu chikondi.” (1 Yohani 4:8) Ninoona umboni oyi Yehova unoniomeliwana nawelenganga Baibulo koma teto naonanga vyevyo alengile liye. (Welengani Vyoira 14:17.) Mwachisazo kaganizelani mwemo mwanilengede liye. Mwachisazo, oonilenga ira niwandenga ona riya wa mitundu do-iyana-iyana da vyongo, vuruwana nyimbo dapama, koma teto vwa oma wa yodja. Vyevi vinatonyi-eda ira liye unofuna ira nisangalalenga na moyo.

Muonenga Ira Moyo Chimphaso Yamtengo Wavadimu

Sangalalani na Moyo Mpakana Walewale!—Funjeda Baibulo Mundila Yotapanya | Buku Lofunjedela Baibulo
- 1. Chifukwa n’ni ninafuneela yamikela Yehova chifukwa yoniva-a moyo?
  
  Moyo chimphaso yokumela wa Babi-u wachikondi, Yehova. Eeno ninafuneela muyamikela chifukwa ya mphaso inela. Baibulo lini liye “ngulipara la moyo” tapulela ira ngunoyo alengile vyamoyo vyetene. (Salimo 36:9) Linoonga teto ira: “Nguliye unoyo unava-a athu etene moyo, mwela na vyongo vyetene.” (Vyoira 17:25, 28) Yehova unoniva-a vyongo vyetene vyofuneela ira nikaena moyo. Wenjedela vevo, Yehova unoniva-a vyongo vimo-i vyo-iyana-iyana ira nisangalalenga na moyo. — Welengani Vyoira 14:17.