N’nga ndila yaphama yofunjedela Bayibulo chiivi?
Funjedani na muthu m’mo-iwa: Vephani funjeda Bayibulo wa muthu onoyo uuva-ileni bukhuli, vamo-i vephani funjeda Bayibulo va sati-u ya jw.org.
MBALI YOWAMBEELA
Welengani ndima dethene thangani-avo vyofuka vyevyo vilembiwe na malemba odimbechecha (A). Welenga malemba a m’Bayibulo anayo kalembiwe ira “welengani.” Wenjedela vevo, chiphama thetho welenga malemba anayo kali muwari mwa ndima (B), voi kanothonyi-eda makhundo malukhulu.
MBALI YA VAARI
Vathi va muru woi Funjedani Vyowenjedeleya munofwanya makhundo ogwadela anayo mufunjedile nyo m’muru onoyo (C). Makhundo anayo kan’na manambala (D), kanosambaula phama likhundo lilukhulu. Welengani malemba a m’Bayibulo, era eeno somedani vyofuka thetho muonele mavidiyo (E).
Thetho muonenga vithuzithuzi, na mazina anayo kanathonyi-eda mbali ya vithuzithuzivyo (F), muumbuwelenga vyevyo munawongenyo vambali yoi Athu Amo-iwa Kanawonga Ira (G).
MBALI YOGOMI-EDA
Mwamari-a murula munofwanya Makhundo Ogwadela na Makhundo Oweli-eda (H). Lembani dambo lelo mumari-idenyo murula. Yolinga (I) nyo munoona vimo-i mwa vyolinga vyevyo munakhaena nyo. VOI MULEMBE MAKUNDWINYU (J), malo anayo ka-iiwe ira mulembengavo makundwinyu.
N’nga munafwanye avi malemba a m’Bayibulo?
Yowambeela romoliwa ti bukhu la m’Bayibulo (A), nambala yowambeela fwanya chi chaputala (B), nambala yo-arela ti vesi vamo-i mavesi (C). Mofwanafwani-a, Yohani 17:3 vinathapulela bukhu la Yohani, chaputala 17, vesi 3.