MURU 45
Kodi Ookala Mbali Yailambo Unatapulela N’ni?
Yesu oofunji-a ira o-arelaye katinafuneela ‘kala mbali yailambo.’ (Yohani 15:19) Vyevi vinatapulela oovolowela ndale kapena kondo dedo dinaireya muilambwela. Koma ira vyevi kai wokweya. Moi athu kanokoza ninyozanga kapena niteya chifukwa yooirana vyongo vyamuilambwela. Kodi ninaire avi ira kanikale mbali yailambo na yolinga yoi nikaleve ororomeleya wa Yehova Mulungu?
1. Kodi Akiristu Aimbarimbari Kanatonyi-eda Avi Ira Kanolemekeza Maboma a Athu?
Akiristu kanolemekeza maboma a athu vovwela vyevyo Yesu aongile liye ira: “Pelekani vyongo vya Kaisara wa Kaisara.” Eeno ninovwela malamulo a muilambo ineyo ninakala iyo, anayo kanatangani-avo peleka misonko. (Maliko 12:17) Baibulo linaonga ira maboma a athu kalivo chifukwa yoi Yehova uwalola ira kalamulele. (Aroma 13:1) Eeno ninozindikila ira maboma a athu kokaana malile, kapena kopolo doyeva, naafwanafwani-eda na Mulungu. Ninoiziwa ira Mulungwi-u eka ngunoyo unaze amali-e mavuto etene a athu vo-indi-eda chito Umwenaye.
2. Kodi ninatonyi-ede avi ira kanili mbali yailambo?
Mofwanafwana na Yesu, na-iyene kaninairana vyongo vyandale. Vathawi imo-iwa athu kangaonile vyodabwi-a vyevyo Yesu airile liye, koofuna mu-ambi-a kala mwene koma liye ookoonda. (Yohani 6:15) Chifukwa n’ni Yesu akoondile? Liye aongile ira: “Umwenanga kuli mbali yailambwela.” (Yohani 18:36) Voi nili ofunjeda a Yesu, na-iyene ninokoonda kala mbali yailambo moi ninoira vyevyo mundila do-iyana-iyana. Mofwanafwani-a, kaninavazana kondo. (Welengani Mika 4:3.) Ngakale ira vizindikilo monga mbendela ninoviona ira pivyofuneya, koma kaninaviimelela mundila imo-iwa kapena vilambela, chifukwa panga vyevi uli ngati lambela mafano. (1 Yohani 5:21) Teto kan’na-elela unduli kapena runi-a chipani iliyetene yandale koma teto malimba sogoleliwa. Nairanga vyevi ninotonyi-eda ira nili ororomeleya na murima wetene, wu boma la Mulungu kapena nionge ira Umwenaye.
FUNJEDANI VYOWENJEDELEYA
Onani vyongo vyevyo vinairi-e ira vikale vyorucha ookala mbali yailambo, era eeno ganizelani mwemo munasakulele nyo vyongo vyevyo vinamuomeli-e Yehova.
3. Akiristu aimbarimbari katinakala mbali yailambo
Yesu na ofunjedaye kootonyi-eda isazo yapama vinjinji vakhani inela. Welengani Aroma 13:1, 5-7 na 1 Petulo 2:13, 14. Era eeno, onelani VIDIYO notapanya vyofuka vyo-arelavi.
Chifukwa n’ni ninafuneela lemekeza maboma a athu?
Pivyongo vyiivi vyevyo ninaire iyo votonyi-eda ira ninowavwela?
Vathawi yakondo, vilambo vimo-i vinoonga ira kavili mbali ya gulu lililetene la kondo, koma kanafwanyeya ira kanotandiza magulu akondo ambin’li anayo kanawana. Ndiye kodi ookala mbali yailambo unatapulela n’ni? Welengani Yohani 17:16. Era eeno, onelani VIDIYO notapanya yofuka yo-arelela.
Kodi ookala mbali yailambo unatapulela n’ni?
Munaire avi akala ira andimuwa aboma kanafuna ira muire vyongo vyo-iyana na malamulo a Mulungu? Welengani Vyoira 5:28, 29. Era eeno, onelani VIDIYO notapanya vyofuka vyo-arelavi.
Akala malamulo a athu kanaonga vyo-iyana na vyevyo lamulo la Mulungu linaongaathu, kodi ninafuneela vwela lamulo laani?
Kodi munaganiza ira Mkiristu kanafuneela vwela olamulela ailambo vavyongo monga vyiivi?
4. Mupewenga ganiza noira vyongo vyotonyi-eda ira muli mbali yailambo
Welengani 1 Yohani 5:21. Era eeno, onelani VIDIYO notapanya vyofuka vyo-arelavi.
Muvidiywela, chifukwa n’ni Ayenge akoondile volowa chipani ya ndale kapena irana miyambo dotonyi-eda omeluwana ilambo iwa monga irela sawasha bendela?
Kodi munaganiza ira liye oosakula vyongo mwazelu?
Kodi pivyongo vimo-i vyiivi vyevyo vinaniiri-e ira vikale vyorucha ookala mbali yailambo? Onelani VIDIYO, era eeno tapanyani vyofuka vyo-arelavi.
Kodi ninatonyi-ede avi ira kanili mbali yailambo, vathawi ineyo vinaireyaathu pikisano wamasika a vilambo vyo-iyana-iyana?
Kodi ninatonyi-ede avi ira kanili mbali yailambo akala andale kasakulile vyongo vyapama kapena vyotakala vyevyo vinakuze moywi-u?
Kodi vyevyo ninawelenga iyo novuruwana kapena vyevyo ninavwa iyo na athu anayo ninawaledana iyo vinanikuza avi vakhani yookala mbali yailambo?
IKodi Mkiristu unafuneela pewa ganizela koma teto irana vyongo vyiivi vyotonyi-eda ira uli mbali yailambo?
KODI MUTHU M’MO-IWA ANGAUFUKILENI IRA: “Chifukwa n’ni kamunairela sawasha Bendela kapena imba nyimbo yailambo?”
Munamusomede avi?
VYEVYO NIFUNJENDILE IYO
Akiristu kanoesaesa pewa ganiza, onga noira vyongo vyevyo vinaairi-e kala mbali yailambo.
Vyofuka Vyoweli-eda
Chifukwa n’ni ninafuneela lemekeza maboma a athu?
Chifukwa n’ni kaninairana vyandale?
Pivyongo vyiivi vyevyo vinaniiri-e ira nikale mbali yailambo?
ONANI VIMO-I
Kodi ninalole iya vyongo vyiivi nayolinga yoi kanikale mbali yailambo?
Kodi mabanja kanakozeele avi pewa vyoshisha vyevyo vinairi-e ira kakale mbali yailambo?
Tisamachite Zinthu Zosonyeza Kuti Tili Mbali ya Dziko Tikakhala Pagulu (4:25)
Chifukwa n’ni titi-eda ilambwawo kai ofuneela nafwanafwani-a novipeleka wa Mulungu?
Onai vyevyo vinaukami-eni ira kamukale mbali yailambo mwasaelanga chito ineyo munafuna nyo inda.
“Yense Adzasenza Katundu Wake wa Iye Mwini” (Nsanja ya Olonda, March 15, 2006)