MURU 41
Kodi Baibulo Linaonga N’ni Vakhani Yogonana?
Athu anjinji kanaona ira khani yokuza gonana chorucha iwonga. Komave Baibulo laonganga vyokuza gonana linoonga vyongo moolambalala koma mwaulemu. Moi vinaongaathu pivyokami-a vinjinji. Vyevi pivyovweya chifukwa Yehova ngunoyo anilengile. Eeno unoiziwa pama vyevyo vinanikami-e ira nikaena moyo wapama. Liye unoniwandela vyevyo ninafuneela iyo panga, ira nimuomeli-enga koma teto vyevyo ninaire iyo ira nisangalalenga na moyo vathawi ila koma teto mpakana walewale.
1. Kodi maganizo a Yehova mboi avi vakhani yogonana?
Gonana chimphaso yokumela wa Yehova ineyo apelekile liye wa athu otelana ira kasangalalengana. Mphaswela kinakeda kami-eda athu ira kabalenga a-ima ba-i, koma inowakami-a teto ira katonyi-edanenga chikondi nosangalala. Chichifukwa iwa mawu a Mulungu kani: “Usangalale na mu-iyana wavaunyamata vawo.” (Miyambo 5:18, 19) Yehova unoembekezela ira Akiristu otelana kakalenga ororomeleya m’banja eeno katinaire chigololo. — Welengani Aheberi 13:4.
2. Kodi chiwelewele chin’ni?
Baibulo linoniwandela ira “adama [achiwelewele] . . . katinaza kavolowa mu Umwene wa Mulungu.” (1 Akorinto 6:9, 10) Olemba Baibulo amo-iwa anayo kalembile mu Igiriki koo-indi-eda chito mawu oyi por·neiʹa voonga vya chiwelewele. Mawu anala kanaonga vya (1) gonana wa athu anayo kaali vabanjaa, (2) gonana wa alombwana kapena a-iyanave, koma teto (3) gonana na vinyama. Ninoomeli-a Yehova koma teto ninokaana moyo wapama naesaesanga “pewa dama” kapena nere chiwelewele. — 1 Atesalonika 4:3.
FUNJEDANI VYOWENJEDELEYA
Onani vyevyo munaire nyo ira mupewe chiwelewele koma teto mapindu anayo munafwanye nyo akala munaesaese kaanave makalelo owela.
3. Muesaesenga pewa chiwelewele
Yosefe unoyo ali muthu ororomeleya ookoonda gonana na mu-iyana unoyo amunyengelela ira kapange vyachiwelewele. Welengani Genesesi 39:1-12, era eeno tapanyani vyofuka vyo-arelavi:
Chifukwa n’ni Yosefe akoondile panga chiwelewele? — Onani vesi 9.
Kodi munaganiza ira Yosefe ooira vyongo mwazelu? Chifukwa n’ni munaonga eno?
Kodi malambwano anyamata kanamusazi-ede avi Yosefe vakhani yokoonda panga chiwelewele? Onelani VIDIYO.
Yehova unafuna ira iyo etene niesaesenga pewa chiwelewele. Welengani 1 Akorinto 6:18, era eeno tapanyani vyofuka vyo-arelavi:
Kodi pivyongo vyiivi vyevyo vinapangi-e muthu panga chiwelewele?
Kodi munaire avi ira mupewe panga chiwelewele?
4. Esaesani ira kamugonje vavyoshisha
Chin’ni inapangi-e ira muthu agonje moorucha ashishiwanga ira apange chiwelewele? Onelani VIDIYO, era eeno tapanyani vyofuka vyo-arelavi.
Kodi m’bali wa muvidiywela airile n’ni angaonile ira vyongo vimo-i vyevyo unaganiza liye nooira vyoomuiri-a ira a-iye kala ororomeleya wa mu-iyanae?
Ngakale Akiristu ororomeleya kanofuneela kaana tindi ira katiganizelenga vyongo vyotakala. Kodi munaire avi ira kamuganizelenga vyongo vyachiwelewele? Welengani Afilipi 4:8, era eeno tapanyani vyofuka vyo-arelavi:
Kodi pivyongo vyiivi vyevyo ninafuneela iyo viganizelanga?
Kodi welenga Baibulo koma teto kaana vyoira vinjinji votumikela Yehova unanikami-e avi ira nipewe vyoshisha?
5. Makundo a Yehova kanonikami-a kaana moyo wapama
Yehova unafuna ira vyongo viniendelenga pama. Liye unoniwandela vyevyo ninaire iyo ira nikaena makalelo owela koma teto riya opanga vyevi. Welengani Miyambo 7:7-27 kapena onelani VIDIYO, era eeno tapanyani vyofuka vyo-arelavi.
Kodi nyamatola airile n’ni ineyo yawande muzi-eda yoshisha? — Onani Miyambo 7:8, 9.
Lemba la Miyambo 7:23, 26, linotonyi-eda ira panga chiwelewele unokoza nizeli-eda mavuto alukulu. Ndiye kodi ninapewe mavuto aavi naesaesanga kaana makalelo owela?
Kodi kaana makalelo owela unanikami-ede avi ira nisangalalenga na moyo vathawi ila koma teto mpakana walewale?
Athu amo-iwa kanaona ira vyevyo Baibulo linaongaathu vakhani yogonana wa alombwana kapena a-iyanave kukwimi-a vyongo. Koma vyevi kai vyoona chifukwa Yehova unoniomeliwana. Teto unafuna ira iyo etene nisangalalenga na moyo vathawi ila koma teto mpakana walewale. Ira vyevi viwandeye niesaesenga arela makundwaye. Welengani 1 Akorinto 6:9-11, era eeno tapanyani yofuka yo-arelela:
Kodi gonana wa alombwana kapena a-iyanave chiikalelo yokaaineyo Mulungu unaidanana liye?
Ira niomeli-enga Mulungu iyo etene ninafuneela esaesa chenja moywi-u. Kodi ira vyevi kokami-a? Welengani Salimo 19:8, 11, era eeno tapanyani vyofuka vyo-arelavi:
Kodi Yehova oopanga pama niva-a makundo amakalelo apama kapena akede kwimi-a vyongo? Chifukwa n’ni munaonga eno?
Yehova ukami-eda athu anjinji ira ka-iye makalelo otakala. Nanyene teto unoukami-ani
ATHU AMO-IWA KANAONGA IRA: “Kavali vuto gonana na muthu uliwetene unoyo unamufunawe bola akala unamuomeliwana.”
Kodi munamuwandele vyoi avi muthu unola?
VYEVYO NIFUNJEDILE IYO
Gonana chimphaso yokumela wa Yehova teto inokami-a ira mulombwana na mu-iyanaye kasangalalenga.
Vyofuka Vyoweli-eda
Kodi panga chiwelewele unatangani-avo teto panga vyongo vyiivi?
Chin’ni inanikami-e ira nipewe panga chiwelewele?
Kodi ninapindula avi na-arelanga makundo a Yehova a makalelo apama?
ONANI VIMO-I
Onani chifukwa iwa Yehova unafuna ira mulombwana na mu-iyana kaambeelenga manga banja liwa kaanatelane.
Onani chifuwa iwa Baibulo lafunji-anga ira gonana wa alombwana kapena a-iyanave kolakweya kalinatapulela ira niidanenga na athu anayo kanaira vyevi.
“Kodi Kugonana Kwa Amuna Kapena Akazi Okhaokha N’kolakwika?” (Khani yavawebusaiti)
Onani mwemo malamulo a Mulungu vakhani yokuza gonana kananititi-edelaathu.
“Kodi Kugonana M’kamwa Kumakhaladi Kugonana?” (Khani yavawebusaiti)
Mukhani yoi “Anandilandira Mwaulemu Kwambiri,” onani vyevyo vyakami-ile muthu m’mo-iwa iya ikalelo yogonana na alombwana afwanye na yolinga yoi aomeli-enga Mulungu.
“Baibulo Limasintha Anthu” (Nsanja ya Olonda, April 1, 2011)
a Vyevi vinotangani-avo panga vyongo monga: Chiwelewele, gonana muwano, gonana umatawo koma teto vuzuwana vyamunyongani vya muthu m’mo-iwa na yolinga yofuna venyi-a kapena kutilisa chilakolako yogonana.