Anayo Kali Ororomeleya wa Yehova Kanokwakwaneli-eda Vyevyo Kalonjezileathu

Welengani Oweruza 11:30-40 Ira muone vyevyo munafunjeda nyo wa Yefita na mwanae wa Iyana vakhani yokwakwaneli-eda malonjezo.

Ganizelani khani yetene. Kodi Aizaraeli anayo kali ororomeleya kaona avi vyongo vyevyo kamulonjezaathu Yehova? (Num. 30:2) Kodi Yefita na mwanae wa Iyana katonyi-edile avi ira koomuroromela Yehova​? — Owel. 11:9-11, 19-24, 36.

Saelani modii-a. Kodi Yefita amulonjezile n’ni Yehova nanga atapulela n’ni? (w16.04 7 ¶12) Kodi Yefita na mwanae kaviruni-ile vyongo viivi ira kakwakwaneli-ede vyevyo kaalonjezileathu? (w16.04 7-8 ¶14-16) Kodi pivyongo viivi vyevyo Akristu kanakozeathu lonjeza malambwano? — w17.04 5-8 ¶10-19.

Onani vyevyo munafunjedavo nyo. Vifukeni ira:

• ‘ Chin’ni inandikami-e kwakwaneli-eda lonjezo lelo ndalonjezile miyo vevo ndavipeleka miyo wa Yehova?’ (w20.03 13 ¶20)

• ‘ Kodi Ndinaviruni-e vyongo viivi ira ndipangenga vyongo vinjinji vomutumikela Yehova?’

• ‘Kodi ndinapange avi ira ndikwakwaneli-edenga vyevyo ndamulonjezile miyo mamunanga kapena iyananga vevo natelana iyo?’ (Mat. 19:5, 6; Aife. 5:28-33)