Amazyu Amiza cho Choni?

1. Mazyu buli amiza aghakufuma kwa Chala?

U Chala akulonda ukuti abantu bahobokaghe nu bumi pa chisu ichapasi. Akapela ichisu na vyosi vyo vilimo ichifukwa chakuti abaghanite abantu. Lunulu ivintu vikwiza pakuba akiza pa chisu chosi. Akwiza pakupyelapo intamyo zyosi ukuti abantu bikale akiza.—Belenga Yeremiya 29.11.

Amaboma ghosi ghapotwa pakufumyapo ivyongo, imbina, nu bufwe. Loli pali amazgu amiza. U Chala akwiza pakufumyapo amabumwene ghosi gho ghalipo nu kubikapo Ubumwene bwache. Cho akulonda chakuti abantu bize bikale umwamutende sona nu bumi ubwiza.—Belenga Ubuvumbuli 11.15; 21.3, 4; 1 Aba Kolinti 15.24.

2. Choni cho abantu bakulondiwa bivwe mwalubilo amazyu amiza?

Intamyo zikwiza pakumala pala u Chala afumyapo abantu ababibi pa chisu ichapasi. (2 Aba Tesalonika 1.8) Ivi vikwiza pakubombiwa pakabalilo buli? Amazyu agha Chala ghakanenela zila ivintu vyo vikubombiwa akabalilo kano. Ivintu ivibibi vyo vikubombiwa pa chisu vikulangizya ukuti u Chala ali papipi ukubombapo zimo.—Belenga 2 Timoti 3.1-5.

3. Tubombe ichoni?

Tubaghiye ukumanyila Ibayibolo, gho Mazyu agha Chala. Lili ngati we kalata uwakufuma kwa baba witu uwalughano. Likutubuzya mo tungikalila nu bumi ubwiza sona na mo tungize tubwaghile ubumi ubwa bwila na bwila muntazi. Abantu bamo batakuhoboka pala mukumanyila Ibayibolo. Pakuti u Chala alayizizye pakutupa ubumi ubwiza muntazi, mutakitikizye nayumo ukubavulungannya pakumanyila.—Belenga Luka 6.22, 23; Ubuvumbuli 14.6, 7.