Ubuthenga ku Banthu bo Biza pa Lukomano

BO BAKUPOKELELA ABALENDO Bo bakupokelela abalendo basaliwe ukuti babavwe. Tukubalaba ukuti mukolelane nabo nkhani umwakukonkha ubulongozi ubwakukwafyannya na malo aghakwimikapo ivyakwendela, umulyango gho mubaghiye ukwingilila nu kufumila, abanthu bo mubaghiye ukubasungila amalo sona ivinthu ivyamwabo.

ULOZYO Amalo gha banthu bo inthi boziwe pa lukomano ghakwiza ukuba panthazi nanthi pali ukusintha bakwiza pakubamanyisya. Abanthu bo inthi boziwe babaghiye ukwikala pa malo ghabo pa Chibelusi pandabindabi po inkhani iya lozyo yichili pakwanda. Aliwesi abaghiye ukwiza ni chakuvwala ichakuti ize avwale nanthi akoziwa.

IVYABUPI Ukuti ulukomano ulu lubombiwe, pakulondiwa indalama izyinji ukuti zyavwe ukuba na malo amiza, isawundi, ivibombelo ivyakulangizizya amavidiyo sona ni mbombo izyamwabo, vyo vikupangisya ukuti ukwaghiwa pa lukomano kube kwakuhobosya sona kutwavwe ukupalamila kwa Yehova. Ivyakupeleka vyinyu vikwavwa ukulipila pa vinthu ivi sona pa mbombo iya pachisu chosi. Amabokosi aghakupelekela ivyabupi ghakwayiwa pa malo agha lukomano ulu. Nanthi mungakwanisya mungapeleka ivyabupi vyinyu pa donate.jw.org. Akagulu Akakwenelezya kakupalizya sana ichifukwa chakwavwapo pa mbombo iya Bumwene.

UBUTULI UBWA CHIPATALA Mumanye ukuti, ubutuli ubu bukupelekiwa ku banthu bene bo babina umwakuchenusya.

IVYAKUSOBELA NI VYAKWAGHIWA Nanthi mwaseba ichinthu cho mutakumumanya umwenecho muye ku Dipatimenti iya Vyakusobela ni Vyakwaghiwa. Nanthi mwasobezya chimo mubuke ku dipatimenti iyi ukuti muye mwennye nanthi chiliko. Abana bo batakumanya ko abapapi babo bali sona bo basobela muye mubabike ku dipatimenti yiniyi. Loli, ukuti ivi vitakabombiwe tukubalaba ukuti mubenelezyanje abana binyu nu kwikala nabo papipi.

AMALO AGHAKWIKALA Tukubalaba ukuti mubinong’onelaghe abanji. Mumanye ukuti, mungabasengulila amalo aba mumbumba yinyu sona bo mwendite nabo mugalimoto, bo mukwikala nabo mu nyumba yoka pamo bo mukumanyila nabo Ibayibolo. Mutakabike ivinthu pa malo gho mutakumusengulila umunthu.

IMBOMBO IZYAKWIPELEKA Nanthi mukulonda mwavwepo pa mbombo izya palukomano, mubabuzye bo bali mu Dipatimenti iya Mbombo Iyakwipeleka.

Lupangiwe na Kagulu Akakwenelezya aka Bakaboni ba Yehova