UBUMI BWITU UBWACHIKILISITU
Abasongo ba Chipanga Bakubomba Vyosi vyo Bangakwanisya Pakubabombela Abantu ba Yehova
Abantu abinji batakubasubila abantu bo bali na mabudindo sona bali ni nyinong’ono izyakupambana-pambana izyakukwafyannya na bantu aba. Chifukwa buli? Ukwanda kale imbili yikulangizya ukuti abantu bo bali nu budindo, bakubombezya amaka gho bali nagho ukuti bayihobosye bene. (Mika 7.3) Chakuhobosya hee ukumanya ukuti abasongo aba chipanga bakubombezya ubudindo bwabo akiza pakwavwa abantu ba Yehova.—Este. 10.3; Mata. 20.25, 26.
Abasongo abachipanga bapambanite hee na bantu bo bali na mabudindo muchisu ichi. Abene bakubombezya akiza ubudindo bo bali nabo ichifukwa chakuti bamughanite u Yehova na bantu bache. (Yoha. 21.16; 1 Pita. 5.1-3) Pakukonka ubulongozi bwa Yesu, abasongo aba bakwavwa aliwesi ukuti ayivwanje ukuti wakusatuka mu mbumba ya Yehova sona bakubavwa ukuti bapalamile kwa Yehova. Bakuzighomya ing’ozi zya Yehova pakuzipa ubutuli ubwa buzimu, pala pakulondiwa ubutuli ubwa chipatala sona na pala kwabombiwa ingozi izyakuchenusya. Pala mukulonda ubutuli, mukomanaghe na basongo aba chipanga chinyu ukuti babavwe.—Yako. 5.14.
ENELEZYA IVIDIYO IYAKUTI ABASONGO BA CHIPANGA BO BAKUFIGHILILA ING’OZI, NU KWAMULA AMALALUSYO AGHA:
Nkimba u Mariana akapindula buli-buli nu butuli bo abasongo bakamupa?
Nkimba u Elias akapindula buli-buli nu butuli bo abasongo bakamupa?
Ukuyana na vyo mwennya mu vidiyo, ka mukuyennya buli-buli imbombo yo abasongo bakubomba?