Mubombezyanje Ibayibolo Ngati Gilasi

Umutumiwa u Yakobo, akayanisya Ibayibolo ni gilasi lyo lingatwavwa ukuti tubumanye ubunthu bwitu ubwamukasi. (Yako. 1.22-25) Ka tungabombezya bulibuli Ibayibolo ngati gilasi?

Mubikaghepo umoyo po mukubelenga. Nanthi tungiyennya pigilasi umwakuchimbilila, vingapangisya ukuti tutakennye ivinthu vyo tukupuvya. Ukuti twennye ubunthu bwitu ubwamukasi, tukulondiwa ukubikapo umoyo pakubelenga nu kubombezya Amazyu gha Chala.

Mubikaghepo umoyo pa vyo mukulondiwa ukusintha mumalo mwakwennya ivya banji. Akabalilo kamo nanthi tukwiyennya pigilasi, tungennya ivinthu vyo abanji bakupuvya vyo vingapangisya ukuti tupotwe ukwennya ivyitu. Umwakuyana bulo, tunganda ukubelenga Ibayibolo nu kwinong’ona ukuti umunthu uyunji weyo akulondiwa ukubombezya ifundo zyo twazyagha. Loli ivi vitangatwavwa ukuti tusinthe po tukulondiwa ukusintha.

Mube bololo. Nanthi tukwennya pigilasi nu kwennya bulo ivinthu vyo vitakutuhobosya, tungawa amaka. Tukulondiwa ukuba bololo nanthi tukubelenga Amazyu gha Chala loli tutakalondaghe ukuti tusinthe ivinthu ivyinji ukuchila vyo u Yehova akwennya ukuti tungakwanisya.—Yako. 3.17.