Choni cho Chikabombiwa Bo Bivwila u Satana?

U Adamu nu Eva batakivwila u Chala, cho chifukwa bakafwa. Ubwandilo 3.​6, 23

U Eva akivwila injoka nu kulya ichikomwa. Ukufuma apo, akamupako u Adamu ukuti wepe alye.

Vyo bakabomba vikaba vibibi sona butula nongwa. U Chala akabasamazya mu Paladayiso.

Mu bumi bwabo bakanda pakutamiwa na bana babo. Bakagosipa nu kufwa. Batakaya ku buyo ubwa bantu abafwe; batakabako sona.

Bafwe bate nubumi, bali ngati litope. Ubwandilo 3.​19

Tukufwa chifukwa chakuti tukafuma kwa Adamu nu Eva. Abafwe batakwennya, batakwivwa, sona batangabomba nachimo.​​—⁠Undumbilili 9.​5, 10.

U Yehova atakapela abantu ukuti bafwanje. Lunulu u Chala akwiza pakuzyusya abafwe. Pala biza baba bakwivwila, inti bakikale bwila na bwila.