Ivifwanikizyo Ivya Kumanyisya

Matayi 13.34, 35

IFUNDO INKULU: Mubombezyanje ivifwanikizyo ivipepe vyo vingabamanyisya abantu ifundo izyakulondiwa.

MO MUNGABOMBELA:

• Musalaghe ivifwanikizyo ivipepe. Ngati we Yesu, mubombezyanje ivintu ivinandi pakulongosola ivintu ivikulu sona ivintu ivipepe pakulongosola ivintu ivipala. Mutakongelezyanje ivintu vyo vitakulondiwa vyo vingavulungannya ichifwanikizyo. Mwenelezye ukuti ichifwanikizyo chinyu chikolelanaghe ni fundo zyo mukumanyisya umwakuti chitakabavulungannye abantu.

• Mubinong’onelaghe abantu. Musale ivifwanikizyo ivyakukwafyannya na vyo abantu bakubomba na vyo bangahoboka navyo. Muchebe ukuti ivifwanikizyo vyinyu vitakabakozyanje isoni pamo ukubakalalizya.

• Mumanyisyange ifundo inkulu. Muchifwanikizyo chinyu mutakalongosolaghe ivintu ivyinji, loli mulangizye ifundo inkulu. Mubavwe abantu ukuti baye bakumbukilaghe ifundo yo yili mu chifwanikizyo, mumalo mwakuti baye mwakukumbukila bulo ichifwanikizyo.