ICHIMANYILO 14

Mulangizyanje Ifundo Izikulu

Aba Hebeli 8.1

IFUNDO INKULU: Mubavwe abantu ukuti bayikonkaghe inkani yinyu, nu kulangizya akiza mo ifundo yiliyosi inkulu yikukolelana nu mutu wa nkani yinyu.

Mwibikile ivyakubomba. Mumanye nanti inkani yinyu yakumanyisya bulo abantu, yakubavwa ukuti babombepo zimo pamo ukuti yibakazye sona muyinene umwakukolelana ni fundo zyo mwisengannya. Mwenelezye ukuti ifundo izikulu zyosi zyo zili munkani yinyu zikukolelana na vyo mukulonda ukuti babombe.

Mwilalusye ukuti: ‘Nkimba malalusyo buli gho abantu bo baya pakwivwisya inkani iyi bangilalusya? Ka pabwandilo bangilalusya lalusyo buli?’ Pisinda pache ifundo zyinyu muzibambike mundondomeko umwakuti abantu baye bazikonke, bazyivwisye sona nu kwitikizya vyo mwaya pakunena.
Mulangizyanje ifundo inkulu. Po mukunena inkani yinyu mutambulaghe umutu wa nkani umwakupyanizya amazyu gho ghakulangizya ifundo inkulu pamo ukubombezya amazyu aghakuyanako.
Mupangisye ukuti ifundo inkulu ziboneke akiza sona zibe zipepe. Sala ifundo izikulu zyene zyo zikukolelana nu mutu uwa nkani yinyu sona zyo mungamanyisya akiza umwakukola akabalilo. Ifundo izikulu zitakabanje zyinji nkani mu nkani yinyu, muyitambule akiza ifundo yiliyosi payene, mwimililaghe pafundo yiliyosi inkulu po muchili mutafikite pa fundo iyamwabo.

Muzitambule ifundo izikulu kubwandilo ubwa nkani yinyu umwakuti abantu bazikonkaghe akiza, pamo mungazitambula kubumalilo ubwa nkani yinyu umwakuti abantu bazikumbukilaghe.