UMUTU 23
Ukoziwa Chintu Ichapamwanya!
U Yesu akanena ukuti Abakilisitu babaghiye ukoziwa. (Belenga Matayi 28.19, 20.) Ka ukoziwa cho choni? Nkimba umuntu angabomba choni ukuti oziwe?
1. Ka ukoziwa cho choni?
Ilizyu ilyakuti “ulozyo” lifumite ku lizyu ilya Chigiliki lyo likung’anamula “ukudwiba” mumizi. Po u Yesu akoziwanga, bakamuzubika umubili wosi mu lusoko ulwa Yolodani, sona pisinda pache “akazubuka mumizi.” (Maliko 1.9, 10) Umwakuyana bulo, bope Abakilisitu ababwanaloli bakoziwa umwakudwiba umubili wosi mumizi.
2. Ka pala umuntu oziwa akulangizya choni?
Nanti umuntu oziwa akulangizya ukuti ipeleka kwa Yehova u Chala. Ka umuntu akwipeleka buli-buli? Bo achili atoziwe, akwiputa pamwene nu kumubuzya u Yehova ukuti inti amubombele ubumi bwache bosi. Akumulayizya u Yehova ukuti inti amwiputaghe yuyo mwene sona ichakulondiwa nkani pabumi bwache ko kubomba vyo u Chala akulonda. Akusala ukuti ‘ikane mwene . . . nu kubukilila ukubomba nu kukonka’ vyo u Yesu akamanyisyanga. (Matayi 16.24) Ukwipeleka nu koziwa kukumwavwa ukuti abe pabumanyani ubwiza nu Yehova sona na bakilisitu abamwabo.
3. Ka umuntu abaghiye ukubomba choni ukuti oziwe?
Ukuti moziwe mubaghiye ukumanyila ivya Yehova nu kughomya ulusubilo lwinyu mwa yuyo. (Belenga Aba Hebeli 11.6.) Ulughano lwinyu mwa Yehova lukwiza ukukula po mukubukilila ukumumanya nu kukuzya ulusubilo lwinyu. Mukwiza ukuba ni chinyonywa ichakulumbilila ivya Chala sona nu kubomba vyo akulonda. (2 Timoti 4.2; 1 Yohani 5.3) Waghe umuntu ‘akwikala na mumo u Yehova akulondela sona akabalilo kosi akubomba chicho chikumuhobosya nkani,’ vikwiza ukumwavwa ukuti ipeleke ubumi bwache kwa Chala nu koziwa.—Aba Kolosi 1.9, 10.a
MANYA IVYINJI
Ennya vyo tukumanyila ku lozyo lwa Yesu sona na vyo umuntu angabomba ukuti oziwe.
4. Tungamanyilako ku lozyo lwa Yesu
Belenga Matayi 3.13-17 ukuti mumanye ivyinji ivyakukwafyannya nu lozyo lwa Yesu. Nu kwamula amalalusyo agha:
Ka u Yesu akaba we bonda po akoziwanga?
Ka akoziwa buli-buli? Ka bakamutonyezya bulo utumizi pa mutu?
Bo u Yesu oziwa bulo akanda imbombo iyakulondiwa sana yo u Chala akamutuma ukuti ize abombe pachisu ichapasi. Belenga Luka 3.21-23; Yohani 6.38, nu kwamula ilalusyo ili:
Bo u Yesu oziwa bulo, ka mbombo buli yo akabikagha nkani pabwandilo pa bumi bwache?
5. Vyo mungabomba ukuti moziwe
Akabalilo kamo ukwipeleka nu koziwa vingaboneka ngati vintu ivyakutamya. Ukuti tusale ukoziwa, tukulondiwa ukubukilila ukumanyila ukuti twikutisiwe na vyo twasala. Ukuti mwennye vyo bamo bakabomba, enelezya IVIDIYO.
Belenga Yohani 17.3 nu Yakobo 1.5, nu kwamula ilalusyo ili:
Choni cho chingamwavwa umuntu ukuti oziwe?
Tukwipeleka kwa Yehova pala twamubuzya mu lwiputo ukuti inti tumubombele ubumi bwitu bosi
Pa kabalilo ko tukoziwa tukulangizya pabwelu ukuti twipelekite kwa Chala
6. Pala toziwa tukuba mumbumba iya Yehova pachisu chosi
Pala toziwa, tukuba mumbumba iyakukolelana iya pachisu chosi. Napo tukufuma ku malo sona nakakulile akakupambana-pambana loli vyo tukusubila ni fundo zyo tukwendela zikuyana bulo. Belenga Salimo 25.14 sona 1 Pitala 2.17, nu kwamula ilalusyo ili:
Nkimba pala umuntu oziwa vikukwafya buli-buli ubumanyani bwache nu Yehova sona na Bakilisitu abamwabo?
VYO BAMO BAKUNENA: “Ntisenganizye ukuti noziwe.”
Nanti numwe muli ni nyinong’ono ngati zinizi, ka muchili mukwennya ukuti ukoziwa kwakulondiwa?
IFUNDO IZYAKUDUMULA
U Yesu akanena ukuti, ukuti umuntu abe Mukilisitu abaghiye ukoziwa. Ukuti umuntu oziwe abaghiye ukuba pabumanyani ubwakughoma nu Yehova, ukukonka ifundo zyache nu kwipeleka kwa Yehova.
Ukunyokelamo
Ka ulozyo cho choni, sona choni cho lwakulondiwa?
Ka ukwipeleka nu koziwa kukulangizya ichoni?
Nkimba umuntu abaghiye ukubomba ichoni po achili atipelekite nu koziwa?
IFUNDO IZYAKONGELEZYAPO
Manya vyo ulozyo lukung’anamula na vyo lutakung’anamula.
Ennya vyo vingamwavwa umuntu ukuti oziwe.
Manya vyo vikamwavwa umwanavuli yumo ukuti asale ukoziwa.
Manya ichifukwa cho ukoziwa kwakulondiwa sona na mo mungabombela ukuti moziwe.
“Kasi Nibatizike?” (Mazgoro Ghakovwira Gha Ivyo Ŵachinyamata Ŵakufumba—Chigaŵa 2, mutu 37)