Ka Imfwa ya Yesu Yingatutula Buli-buli?

Tukunanga, tukutamiwa nu kufwa ichifukwa chakuti imbumba iyabwandilo u Adamu nu Eva batakamwivwila u Chala.a Napo vili bunubu loli tuli nu lusubilo ukuti ivintu vikwiza ukuba akiza. U Yehova apelekite izila iyakutupulumusya ku mbibi nimfwa ukwendela mu Mwana wache, u Yesu Kilisitu. Ibayibolo likuti ichifukwa chamfwa yache, u Yesu akiyipa ukuti atusatule. Isembe mutengo gho umuntu akulipila ukuti amusatule umuntu uwamwabo. U Yesu akapeleka ubumi bwache ubwakufikapo ukuti abasatule abantu. (Belenga Matayi 20.28.) Bo u Yesu aba nu lusako ulwakwikala pachisu ichapasi, akitikizya ukupeleka ubumi bwache ichifukwa cha uswe ukuti twize twaghe vyosi vyo u Adamu nu Eva bakatagha. U Yesu akalangizya ulughano lo umwene nu Yehova bali nalo kwa uswe. Umutu ughu inti ghutwavwe ukumanya vyo tungabomba ukuti tulangizye ukupalizya imfwa ya Yesu.

1. Ka imfwa ya Yesu yingatwavwa buli-buli amasiku ghano?

Ichifukwa chakuti swe bantu abasita kufikapo tukubomba ivintu ivyinji vyo vitakumuhobosya u Yehova. Tungaba pabumanyani nu Chala waghe tukwiyipa umulandu pa vintu vyo tukapuvya, nu kumulaba u Yehova ukwendela mwa Yesu Kilisitu ukuti atuhobokele sona nanti twalekela zila vyo tukapuvya. (1 Yohani 2.1) Ibayibolo likunena ukuti: “Pakuti u Kilisitu akafwa lyoka mpela pachifukwa icha mbibi izya bantu bosi, umuntu umugholosu pakubafwila abasita bugholosu, umwakuti atufisye pa maso pa Chala.”—1 Pitala 3.18.

2. Nkimba imfwa ya Yesu yikwiza pakutwavwa buli-buli kuntazi?

U Yehova akatuma u Yesu ukuti ize apeleke ubumi bwache ubwakufikapo ‘ukuti umuntu wesi yuyo akumusubila [u Yesu] atakafwanje loli abanje nu bumi ubwa bwila na bwila.’ (Yohani 3.16) Tukupalizya pa vyosi vyo u Yesu akabomba, u Yehova lunulu apa inti efyepo ivintu ivibibi vyosi vyo u Adamu akapangisya ichifukwa cha kusita kwivwila. Waghe tuli nu lwitiko mwa Yesu tukwiza ukuba nu lusako ulwakwiza ukuhoboka nu bumi uwabwila na bwila pachisu ichapasi mu paladayiso.—Yesaya 65.21-23.

MANYA IVYINJI

3. Imfwa ya Yesu yikatusatula ku mbibi nimfwa

IVIDIYO: Choni cho u Yesu Akafwa?—Ichigaba 1 (2:01)

• Nkimba u Adamu akataya lusako buli ichifukwa chakuleka ukumwivwila u Chala?

Belenga Aba Loma 5.12, nu kwamula ilalusyo ili:

• Nkimba imbibi izya Adamu zikukwafya buli-buli ubumi bwitu?

Belenga Yohani 3.16, nu kwamula ilalusyo ili:

• Choni cho u Yehova akatuma Umwana wache pachisu ichapasi?

1. U Adamu akaba muntu uwa kufikapo yo atakamwivwila u Chala cho chifukwa abantu bakunanga nu kufwa

2. U Yesu akaba wakufikapo sona akamwivwila u Chala, cho chifukwa tuli nu lusako ulwakwiza ukuba bakufikapo sona ukwagha ubumi bwa bwila na bwila muntazi

4. Aliwesi angapindula nifwa ya Yesu

IVIDIYO: Choni cho u Yesu Akafwa?—Ichigaba 2 (2:00)

• Nkimba imfwa iya muntu weka yingabavwa buli-buli abantu abinji?

Belenga 1 Timoti 2.5, 6, nu kwamula ilalusyo ili:

• U Adamu akaba muntu uwakufikapo loli ichifukwa chakuti akananga cho chobene abantu bosi bakunanga nu kufwa. U Yesu wepe akaba wakufikapo ngati mo akabela u Adamu. Nkimba vikabombiwa buli-buli ukuti u Yesu ‘iyipe mwene ukuti abasatule abantu bosi’?

5. Isembe chabupi cho u Yehova abapiye

Abamanyani ba Yehova bakwennya ukuti isembe ya Yesu chabupi cho u Chala abapiye. Umwakufwanikizya, belenga Aba Galatiya 2.20, nu kwamula ilalusyo ili:

• Nkimba umutumiwa u Pabuli akalangizya buli-buli ukuti ukusatuliwa chabupi icha muntu aliwesi pamwene?

Bo u Adamu ananga, vikapangisya ukuti yuyo na bana bache bafwanje. Loli u Yehova akatuma Umwana wache ukuti ize atufwile ukuti twaghe ulusako ulwakwiza ukuhoboka nu bumi kwa bwila na bwila.

Po mukubelenga amasimbo agha, inong’onela mo u Yehova akiyivwilagha po Umwana wache akatamiwanga. Belenga Yohani 19.1-7, 16-18, nu kwamula ilalusyo ili:

• Ka mukwiyivwa buli-buli pa vyo u Yehova nu Yesu bakababombela?

IFUNDO IZYAKUDUMULA

Ichifukwa chamfwa ya Yesu, u Yehova akutuhobokela imbibi zyitu sona akutupa ulusako ulwakuti twize twikale pachisu kwa bwila na bwila muntazi.

Ukunyokelamo

• Choni cho u Yesu akafwa?

• Nkimba ubumi bwa Yesu ubwakufikapo, bukaba bwakukwana ukupeleka isembe, muzila buli?

• Nkimba imfwa ya Yesu yingabavwa buli-buli?

IFUNDO IZYAKONGELEZYAPO

Manya ichifukwa cho ubumi bwa Yesu ubwakufikapo bukwitiziwa ukuti sembe.

“Nkimba Isembe ya Yesu ‘Yikubasatula Buli-buli Abantu Abinji’?” (Inkani iya pa intaneti)

Manya vyo mungabomba ukuti mwize mupokiwe ku mbibi ni mfwa.

“Nkimba u Yesu Akutupoka Buli-Buli?” (Inkani iya pa intaneti)

Ka u Yehova angatuhobokela imbibi izikulu nkani zyo twabomba?

“Mafumbo Agho Baibolo Likuzgora” (Ichitembe cha Mulindilili icha Chitumbuka, Meyi 1, 2013)

Ennya mo ukumanyila ivyakukwafyanya ni sembe ya Yesu vikamutulila umwanavuli yumo ukuti asinte ubumi bwache akatamiwanga inyinong’ono ichifukwa cha vintu ivibibi vyo vikabombiwa kwisinda.

“Kutemwa Chomene Yehova Kwanovwira Kuti Nizizipizge” (Ichitembe cha Mulindilili icha Chitumbuka 15, 2015)