Musalaghe Akiza Abamanyani

Abamanyani abiza bakutwavwa ukuti tuhobokaghe sona bakutughomya nanti twakomana ni ntamyo. Loli Ibayibolo likutusoka ukuti te aliwesi yo angaba mumanyani umwiza. Nkimba mungasala buli-buli abamanyani abiza? Inong’onela amalalusyo agha.

1. Nkimba abamanyani bo mukusala bangabavwa buli-buli?

Akabalilo akinji tukusendela inkalo zya bamwitu bo tukwangala nabo. Tungasendela inkalo inyiza pamo izibibi. Ivi vingabombiwa waghe tukwangala nabo pa maso na maso pamo pa intaneti. Ibayibolo likunena ukuti, ‘yo akwenda na bamahala akwiza pakuba wamahala loli yo akwenda na bapunganu akwiza pakukomana ni ntamyo.’ (Isya Mbupingamu 13.20) Abamanyani bo bamughanite u Yehova bangabavwa ukuti mupalamile kukwache sona ukuti musalaghe akiza ivintu. Loli abamanyani bo batamughanite u Yehova bangatupangisya ukuti tube pabutali nu Yehova. Cho chifukwa Ibayibolo likutukazya ukuti tusalaghe abamanyani abiza! Pala abamanyani bitu bamughanite u Yehova vikutwavwa uswe poka na bamanyani bitu. Tukuba swe bakwisengannya ‘ukukazyannya nu kwavwana.’—1 Aba Tesalonika 5.11.

2. Nkimba u Yehova akubennya buli-buli abamanyani binyu?

U Yehova akusala abamanyani umwamahala. ‘Akuba mumanyani wa bagholosu.’ (Isya Mbupingamu 3.32) Nkimba u Yehova angiyivwa buli-buli nanti tungasala abamanyani bo batamughanite? Angatukalalila nkani! (Belenga Yakobo 4.4.) U Yehova akwiza pakuhoboka sona akwiza pakuba pabumanyani nuswe waghe twasala abamanyani abiza sona tukwiza pakuba papipi nawe poka na bo bamughanite u Yehova.—Salimo 15.1-4.

MANYA IVYINJI

3. Musalaghe akiza abamanyani

Abantu bo batamughanite u Chala sona batakukonka vyo akulonda te bamanyani abiza. Enelezya IVIDIYO, nu kwamula ilalusyo.

IVIDIYO: Mukane Abamanyani Ababibi (6:17)

• Nkimba tungangala buli-buli na bamanyani ababibi umwakusita ukumanya?

Belenga 1 Aba Kolinti 15.33, nu kwamula ilalusyo ili:

• Nkimba bantu buli bo umwe mukwennya ukuti bangaba bamanyani ababibi? Chifukwa buli?

Belenga Salimo 119.63, nu kwamamula ilalusyo ili:

• Nkimba mungamanya buli-buli ukuti mwasala umumanyani umwiza?

4. Abantu bo tupambanite nabo bangaba bamanyani abiza

Ibayibolo likulingannya ivya banavuli babili aba mu kabalilo ka Baizilayeli, u Davide nu Yonatani. U Yonatani akaba mwana wa Mwene sona akaba we songo kwa Davide. Napo vikaba bunubu loli bakaba pabumanyani. Belenga 1 Samueli 18.1, nu kwamula ilalusyo ili:

• Choni cho tutakulondiwa ukuba bulo pabumanyani na bantu bo tuyanite nabo imyaka pamo ivyakubombiwa?

Belenga Aba Loma 1.11, 12, nu kwamula ilalusyo ili:

• Nkimba abamanyani bo bamughanite u Yehova bangakazannya buli-buli?

Mu vidiyo iyi, ennya mo umunyamata uyu akaghila abamanyani bo atakinong’onelagha. Enelezya IVIDIYO, nu kwamula amalalusyo.

IVIDIYO: Aliwesi Angaba mu Manyani Witu (5:06)

• Ukuyana ni vidiyo iyi, choni cho abapapi aba Akil bakapasyanga ichifukwa cha bamanyani bo akaba nabo ku sukulu?

• Choni cho chikamuhobosya na bamanyani bache?

• Nkimba akamalana buli-buli ni ntamyo iyakwiyivwa ukuti ali mwene?

5. Vyo vingatwavwa ukuti twaghe abamanyani abiza

IVIDIYO: Nkimba Abamanyani Ababwanaloli bo Bawenu? (4:14)

Belenga Isya Mbupingamu 18.24; 27.17, nu kwamula amalalusyo agha:

• Ka abamanyani ababwanaloli bakutulana buli-buli?

• Nkimba muli na bamanyani ababwanaloli? Pala mute nabo, ka mungabomba buli-buli ukuti mube nabo?

Belenga Aba Filipi 2.4, nu kwamula ilalusyo ili:

• Ukuti mube na bamanyani ababwanaloli mukulondiwa tasi ukuba mwe bamanyani ababwanaloli. Nkimba choni cho chingabavwa?

IFUNDO IZYAKUDUMULA

Nanti tukusala abamanyani umwamahala tukumuhobosya u Yehova sona vikutwavwa swebene.

Ukunyokelamo

• Choni cho u Yehova akulonda ukuti tusalaghe akiza abamanyani?

• Ka bamanyani buli bo tutakulondiwa ukuba nabo?

• Nkimba mungabomba buli-buli ukuti mughomye ubumanyani bwinyu na bamanyani abiza?

IFUNDO IZYAKONGELEZYAPO

Ennya mo abamanyani abiza bangabatulila mu kabalilo aka ntamyo.

“Khozgani Ubwezi Winu Pambere Umaliro Undafike” (Ichitembe cha Mulindilili, icha Chitumbuka 2019)

Ennya vyo mungabomba ukuti musalaghe abamanyani abiza.

“Kasi Ningachita Wuli Kuti Nisange Ŵabwezi Ŵawemi?” (Ivyo Ŵanyamata na Ŵasungwana Ŵakufumba—Mafumbo Ghakovwira, Chigaŵa 1, Umutu 8)

Nkimba mukulondiwa ukumanya ichoni pa nkani iya bamanyani aba pa intaneti?

Muchebaghe na Bamanyani aba pa Intaneti (4:12)

Munkani iyakuti “Nkhakhumbanga Chomene Kuŵa na Dada,” manya ichifukwa cho umwanavuli yumo akasala abamanyani abakupambana-pambana.

“Baibolo Likusintha Umoyo wa Ŵanthu” (Ichitembe cha Mulindilili, icha Chitumbuka Epulelo 1, 2012)