Nkimba Choni cho Chingavwa Imbumba Ukuba Yakuhoboka?—Ichigaba 2

Abana chabupi icha kufuma kwa Chala. U Yehova akulonda ukuti abapapi bapwelelelaghe akiza ichabupi ichi. U Yehova akupeleka ubulongozi bo bungavwa abapapi ukuti babombe akiza. Ubulongozi bwache bungabavwa sona abana ukuti batulepo ukuti imbumba zibe zyakuhoboka.

1. Nkimba bulongozi buli bo u Yehova akubapa abapapi?

U Yehova akulonda ukuti abapapi babaghanaghe abana babo sona babanje na kabalilo akakwangalila nabo. Akulonda sona ukuti abapapi babafighililaghe abana babo ku vintu vyo vingabavulazya sona babombezyanje Ibayibolo pakubamanyisya. (Isya Mbupingamu 1.8) Akubabuzya abatata ukuti: ‘Mubakuzye akiza pakubamanyisya . . . ivimanyisyo ni ndaghilo izya Yehova’ (Belenga Aba Efeso 6.4.) U Yehova akuhoboka pala abapapi bakukonka ubulongozi bwache pakulela abana babo, atakupa ubudindo ubu ku banji.

2. Nkimba u Yehova akubapa bulongozi buli abana?

U Yehova akubabuzya abana ukuti: “Mubivwilaghe abapapi binyu.” (Belenga Aba Kolosi 3.20.) Pala abana bakuchindika nu kwivwila abapapi babo, vikumuhobosya u Yehova sona na bapapi babo. (Isya Mbupingamu 23.22-25.) U Yesu akalangizya ichifwanikizyo ichiza ku bana. Na po akaba wakufikapo, loli akivwilagha nu kubachindika abapapi bache bo batakaba bakufikapo Luka 2.51, 52.

3. Nkimba imbumba yingapalamila buli buli kwa Chala?

Pala mwe bapapi, tukusubila ukuti mukulonda ukuti abana binyu bamughanaghe u Yehova ngati mo umwe mukubombela. Nkimba mungabomba ichoni? Mubaghiye ukubomba vyo Ibayibolo likunena ukuti: ‘[Amazyu gha Yehova] mughasindilizye mu bana bako nu kughanena po wikaye pasi mu nyumba yako, na po ukwenda pazila.’ (Ukukumbusya Indaghilo 6.7) “Ukusindilizya” kukung’anamula ukumanyisya umwakupyanizya-pyanizya. Tutakukayikila ukuti mubaghiye ukupyanizya ivintu vimo pakubamanyisya abana binyu ukuti bavikumbukilaghe vyo bamanyila. Isimbo ili likung’anamula ukuti mupaghulaghe akabalilo ukuti mubamanyisyanje abana binyu ivya Yehova. Chingaba akiza nanti usabata aliwesi mukwagha akabalilo akakuti mumanyilaghe poka Ibayibolo. Nanti mute na bana, pope mungapindula waghe mukwagha akabalilo usabata aliwesi ukuti mumanyilaghe amazyu gha Chala.

MANYA IVYINJI

4. Mubamanyisyange abana binyu umwalughano

Akabalilo kamo ukumanyisya abana chingaba chakutamya. Ka Ibayibolo lingabavwa buli-buli? Belenga Yakobo 1.19, 20, nu kwamula amalalusyo agha:

• Nkimba abapapi bangalangizya buli-buli ulughano pa kabalilo ko bakunenezannya na bana babo?

• Choni cho umupapi atakulondiwa ukufunda abana po akalalite?a

5. Mubafighililaghe abana binyu

Ukufighilila abana binyu kwakulondiwa hee, nkani-nkani ukunenezannya nu mwana winyu aliwesi pa nkani iya kughonana, loli ivi vingaboneka ngati vipala. Enelezya IVIDIYO, nu kwamula amalalusyo agha.

IVIDIYO: Fighilila Abana Binyu ku Vintu Ivibibi (2:58)

• Choni cho chipala ku bapapi bamo ukubamanyisya abana babo inkani izya kughonana?

• Nkimba zila buli zyo abapapi bamo bakubombezya pakubamanyisya abana babo pankani iya kughonana?

Ngati mo ubulaghuzi bukanenela zila, ukuiti ichisu cha Satana ichi chikubipila-bipila. Belenga 2 Timoti 3.1, 13, nu kwamula ilalusyo ili:

• Abantu ababibi bo bakuneniwa mu vesi 13 bakubabombela abana inkaza pa nkani iya kughonana. Nkimba choni cho chakulondiwa nkani ku bapapi ukuti babamanyisyanje abana pa nkani izya kughonana sona nkimba bangabafighilila buli-buli ku bantu abankaza aba?

Ka muzimenye?

Abakaboni ba Yehova bali na mabuku aghinji gho ghangavwa abapapi ukuti babamanyisye abana babo pa nkani izya kughonana sona ukuti babafighilile abana babo ku bantu abankaza. Umwakufwanikizya, ennya:

• Mubafighilile Abana Binyu (Ividiyo)

• Ibuku ilya Sambirani kwa Msambizgi Waluso, umutu10 nu 32

• “Umo Mungasambizgira Ŵana Ŵinu pa Nkhani za Kugonana” (WUKANI! Na. 5 2016)

6. Mubachindikaghe abapapi binyu

IVIDIYO: Ka Ninganenezannya Buli-Buli na Bapapi Bane? (2:19)

• Choni cho chakulondiwa ukuti abana banenezannyanje umwamuchizi na bapapi babo?

• Nkimba umwana angalangizya buli-buli ukuti akunenezannya nu mupapi wache umwamuchizi?

Belenga Isya Mbupingamu 1.8, nu kwamula ilalusyo ili:

• Nkimba umwana akulondiwa ukubomba buli-buli ivintu pa kabalilo ko abapapi bache bakumupa ubulongozi?

7. Mumwiputaghe u Yehova mu mbumba yinyu

Imbumba izya Bakaboni ba Yehova zikwibikila akabalilo aka kwiputila poka usabata aliwesi. Ka ukwiputa ukwa pa mbumba kukubombiwa buli-buli? Enelezya IVIDIYO, nu kwamula amalalusyo agha:

IVIDIYO: Ukwiputa Ukwa pa Mbumba—Intamyo zyo Zikubapo na Mapindu (8:04)

• Ka imbumba yingabomba buli-buli ukuti yipangaghe ukwiputa ukwa pa mbumba akabalilo kosi?

• Ka abapapi bangabomba buli-buli ukuti ukwiputa ukwa pa mbumba kubanje kwapindu sona kwakuhobosya?—Ennya ichituzi ichapamwanya mu mutu ughu.

• Ka ntamyo buli yo yingapangisya ukuti imbumba yinyu yipotwe ukumanyila poka?

Mu kabalilo aka Baizilayeli u Yehova akalondagha ukuti imbumba zyabo zinenezannyanje amasimbo akabalilo kosi. Belenga Ukukumbusya Indaghilo 6.6, 7, nu kwamula ilalusyo ili:

• Nkimba mungakonka buli-buli ubulongozi ubu?

Vyo mungabomba pa kwiputa kwa pambumba:

• Mungisengannya inkomano.

• Mungabelenga nu kunenezannya inkani iya mu Bayibolo yo imbumba yinyu yingahoboka nayo.

• Pala muli na bana abanandi mungapanga dawunilodi nu kupulinta ivyakuti abana babombe pa jw.org.

• Pala muli na bana abachinyamata munganenezannya inkani izya bachinyamata zyo zikwaghiwa pa jw.org.

• Mungapanga idilama iya nkani iya mu Bayibolo poka na bana binyu.

• Mungenelezya ividiyo iya pa jw.org nu kunenezannya

IFUNDO IZYAKUDUMULA

U Yehova akulonda ukuti abapapi babaghanaghe abana babo, babamanyisyanje, sona babafighililaghe. Akulonda ukuti abana babachindikaghe nu kubivwila abapapi babo sona ukuti imbumba zimwiputaghe poka.

Ukunyokelamo

• Ka abapapi bangabomba buli-buli ukuti babamanyisyanje nu kubafighilila abana babo?

• Ka abana bangalangizya buli-buli umuchizi ku bapapi babo?

• Nkimba mapindu buli gho ghakubapo nanti mukwibikila akabalilo akakwiputa pa mbumba?

IFUNDO IZYAKONGELEZYAPO

Nkimba vimanyilo buli vyo vingabavwa abana po bakukula?

“Vinthu 6 Ivyo Ŵana Ŵakwenera Kusambira” (Wukani! Na. 2 2019)

Ennya ubulongozi bwa mu Bayibolo bo bungabavwa bo bakupwelelela abapapi babo aba chigosi?

“Nkimba Ibayibolo Likunena Choni Ivyakukwafyannya nu Kupwelelela Abapapi Abachigosi?” (Inkani iya pa intaneti)

Ennya mo umwanavuli yo atakamanyagha mo angalelela abana mo akiza abela we baba umwiza

Nkamanyisiwa nu Yehova mo Ningapwelelela Imbumba Yane (5:58)

Ennya mo abababa bangabombela ukuti baghomye ubumanyani bwabo na bana babo abanyamata.

“Kasi Ŵadada Ŵangacita Wuli Kuti Ŵaŵe Paubwezi na Ŵana Ŵawo Ŵanyamata?” (Ichitembe cha Mulindilili icha Chitumbuka, Novembala 1, 2011)