UBUMI BWITU UBWA CHIKILISITU
Mwisengannye Losulu
Choni cho tukulondiwa ukwisengannya? Umuntu aliwesi angabina umwakuchenusya. Tubaghiye ukusengannya ukuti vize bitwavwe ukupokela ubutuli ubwiza pakabalilo ko twabina. Nanti tungabomba bunubu tungalangizya ukuti tukumuchindika u Yehova, chifukwa weyo atupiye indaghilo mo tungabombezezya ibanda.—Imbo. 15.28, 29.
Nkimba tungisengannya buli-buli?
Mungamulaba umukamu yo akwenelezya amabuku ukuti abape ikadi ilya Mazaza gha Mwimiliri pa Umoyo Wane (DPA).a Po muchili pakusimba ikadi ili, mwipute ukufuma pasi pa moyo ukuti u Yehova abavwe ukusala akiza pankani iyi. Sona mungabasendelako ID abana binu abanandi.
Nanti muli nu lwanda, mungakomana na basongo aba chipanga ukuti babape ifomu iyakuti Ulongozgi wa Ŵadumbu Awo Ŵali na Nthumbo (S-401-TB). Ubulongozi ubu bungabavwa pakabalilo aka, sona na pakabalilo akakupapa.
Nanti mukumanya ukuti mukulondiwa ukupangiwa opaleshoni yo yingalondiwa ibanda, po muchili ukubuka ku chipatala mubamanyisizye zila abasongo. Mubamanyisye abadokotala ukuti inti kwize Abakaboni ba Yehova.
Ka abasongo aba chipanga bangavwapo buli-buli? Bangabavwa ukuti musimbe akiza ikadi iya DPA. Loli batakwiza pakubasalila ivyakuti musimbe pa kadi pamo ukubikapo inyinong’ono zyabo, chifukwa aliwesi akusala mwene. (Lom. 14.12; Gal. 6.5) Pala mwabamanyisya abasongo aba chipanga ukuti mwakomana nububine bo bukulondiwa ibanda, abene bakwiza pakubamanyisya mwalubilo abakamu aba mu Komiti Iyakunenezannya na Bachipatala.
Ka aba komiti bangabavwa buli-buli? Abakamu aba bamanyiye akiza mo banganenela na badokotala, sona na bo bakwennya indaghilo ukuti bivwisye akiza vyo tukusubila pa nkani iyibanda. Banganenezannya na badokotala ukuti babavwe ukusita ukubombezya ibanda. Nanti vyatamya, bangabavwa ukwagha udokotala yo angivwisya vyo tukusubila pankani iyibanda.
ENELEZYA IVIDIYO IYA MUTU UWAKUTI UMO TINGASANKHIRA VINTHU MWAMAHARA PA NKHANI YA KUGWILISKIRA NTCHITO NDOPA NU KWAMULA ILALUSYO ILI:
Nkimba mu vidiyo iyi, mwamanyilamo ichoni vyo vingabavwa nanti mwakomana nu bubine bo bukulondiwa ibanda?
a Mu mutu 39 mu buku ilya Mungakondwa na Umoyo Kwamuyirayira! muli ifundo zyo zingatwavwa ukuti tusale akiza ubutuli ubwa mulembo sona pa nkani iyakukwafannya nibanda.