Ukwibikila Ivyakubomba mu Kabalilo Akakukumbukila Imfwa ya Yesu

Ababombi ba Yehova bakukomana poka umwaka bulighosi ukuti bakumbukile imfwa ya Yesu. Mu kabalilo akakukumbukila imfwa ya Yesu tukuba nu lusako ulwa kumupala nu kumupalizya u Yehova ichifukwa cha chabupi cho atupiye. (Efe. 1.3, 7) Akabalilo kanaka, tukuba nu lusako ulwakwitizya abamwitu ukuti bope bize baghiwepo. Umwezi wa Malichi nu Epulelo, bamo bakusinta ivintu pa bumi bwabo ukuti bapangeko upayiniya uwa maawazi 30 pamo 50. Ka numwe mungapangako? Choni cho chingabavwa ukuti mupangeko?

Pala tungisengannya akiza, tungakwanisya vyo tukulonda ukubomba. (Mbupi. 21.5) Pakuti ukukumbukila imfwa ya Yesu kwapalamila, aka koko kabalilo akiza akakwanda ukwisengannya. Mwinong’onelepo mo mungabombela ukuti mukwanilisye ubupayiniya mu kabalilo akakukumbukila imfwa ya Yesu. Ukufuma apo mumulabe u Yehova ukuti asaye vyo mwasala.—1 Yoh. 5.14, 15.

Ka mungabomba choni ukuti mukwanilisye ukupanga upayiniya mu kabalilo akakukumbukila imfwa ya Yesu?